बाजुराको बुढीनन्दा नगरपालिकामा खाद्य अधिकारको सवाल वारेमा अभिमुखिकरण कार्यक्रम सम्पन्न

सर्मिला रोकाया / बाजुरा : बाजुराको बुढीनन्दा नगरपालिका वडा न एक कोल्टीमा खाद्य अधिकारको सवाल पहिचान तथा दस्तावेजीकरण सम्बन्धी अभिमुखिकरण कार्यक्रम सम्पन्न भएको छ । खाद्य अधिकार सञ्जाल बाजुराका अध्यक्ष नहकुल जोशीको अध्यक्षतामा सो अभिमुखिकरण कार्यक्रम कोल्टीमा सम्पन्न भएको हो ।

कार्यक्रममा बुढीनन्दा नगरपालिका भित्रका खाद्य अधिकारका सवाल तथा समस्याको पहिचान गर्दै अभिमुखिकरण कार्यक्रमको आयोजना गरिएको फियान नेपाल बाजुराले जनाएको छ । फियान नेपालका कार्यक्रम संयोजक सविता थापाले प्रकाश पार्नु भएको कार्यक्रममा २० वढिको सहभागिता रहेको थियो भने खाद्य अधिकार सम्बन्धी विभिन्न सवालमा वारेमा जानकारी गराईएको थियो ।

हलिया, खलिया लगायत आर्थिक अवस्था कमजोर भएका विपन्न र एकल महिलालाई दैनिकी चलाउन समस्या लगायका सवालमा पनि छलफल भएको बताईएको छ ।