युएईमाथि ओमान ७ विकेटले विजयी

२ फागुन, काठमाडौं । चार देशीय टी-२० क्रिकेट प्रतियोगितामा ओमान विजयी भएको छ । ओमानले युएईलाई ७ विकेटले पराजित गरेको हो ।

ओमानको जितमा काश्यप प्रजपतिले सर्वाधिक अविजित ६९ रन बनाए । त्यस्तै साइब खान ३४, जितेन्द्र सिंह २२ अयान खान १६ र सन्दीप गउड १२ रनमा अविजित रहे ।यस अघि टस हारेर पहिले ब्याटिङ गरेको युएईले निर्धारित २० ओभरमा ८ विकेट गुमाएर १६४ रन बनाएको थियो ।

युएईका लागि मोहम्मद वासीमले ८४ रन बनाए । रोहन मुस्ताफा र भ्रित्या अर्विन्द ले १९/१९ रन बनाए । ओमानका आमिर कलिमले ५ तथा विलाल खान, कलिमुल्लाह र अयान खानले १/१ विकेट लिए ।