बाजुराको जगन्नाथबाट फरार ३ बालिकाको प्रहरीद्धारा उद्दार

बाजुरा :- जिल्लाको जगन्नाथ गाउँपालिकाबाट फरार भएकी ३ बालिकाको जिल्ला प्रहरी कार्यालय बाजुराले उद्धार गरेको छ ।सोही पालिकाको वडा नंं. ५ लाया बस्ने १५ वर्षीया बालिका, पाल्ताकी १३ वर्षीया बालिका र मल्लोहुनीकी १४ वर्षीया बालिका घरबाट विहीबार फरार भएकी थिईन्

उनीहरुको आफन्तले टेलिफोन मार्फत जिल्ला प्रहरी कार्यालय बाजुरामा फरार भएको जानकारी गराएका थिए । जानकारी पश्च्यात खोजी कार्य गर्दा बुधबार कालीकोट शान्नीस्थित त्रिवेणी गाउँपालिका–३ मानिबजारमा फेला पारी उनीहरुको उद्धार गरिएको जिल्ला प्रहरी कार्यालय बाजुराका प्रहरी नायव उपरिक्षक चतुर्भुज ओझाले बताएका छन् ।

उद्धार गरेका तीनै जना बालिकालाई जड्डी प्रहरी चौकीमा ल्याई उनका आफन्तलाई जिम्मा लगाएको ओझाले बताए ।