स्वामिकार्तिकमा ८ परिवार नेकपा एमाले परित्याग गरी काँग्रेसमा प्रवेस

बाजुरा– जिल्लाको स्वामिकार्तिक खापर गाउँपालिका वडा नम्बर तिन जुकुका ८ परिवारले नेकपा एमाले परित्याग गरी नेपाली काँग्रेसमा प्रवेश गरेका छन् । नेपाली काँग्रेस स्वामिकार्तिक खापर गाउँपालिकाको कार्यकर्ता भेटघाट तथा शुभकामना आदान प्रदान कार्यक्रममा ८ परिवारले नेकपा एमाले परित्याग गरी नेपाली काँग्रेसमा प्रवेश गरेका हुन् । नेकपा एमाले परित्याग गरी काँग्रेसमा प्रवेश गर्नेमा धनरुप कटेल, सोर्वण कटेल, निराजन कटेल, अनन्त कटेल, खगेन्द्र महतारा बिवेक कटेल, शुक रोकाया र नवराज न्यौपानेको परिवारले काँग्रेसमा प्रवेश गरेका हुन् । हरेक काममा देशमा नेपाली काँग्रेस बाहेकको विकल्प नदेखिएकाले आफुहरुले नकपा एमाले परित्याग गरी नेपाली काँग्रेसमा प्रवेश गरेको नव प्रवेशी नवराज न्यौपानेले बताए । काँग्रेस बाजुरालाई बलियो बनाउन अहिले स्वामिकार्तिक खापर गाउँपालिकाका सभापति महेश कटेल संगठन बिस्तारमा लागी परेका छन् । नव प्रवेशीहरुलाई नेपाली काँग्रेस निर्बाचन क्षेत्र नं. क का सभापति रामबहादुर बोहरा, नेपाली काँग्रेसका जिल्ला कार्य समिति सदस्य अन्तिम शाही, नेपाली काँग्रेस प्रदेश क का सचिव जनम धामी र नेपाली काँग्रेस स्वामिकार्तिक खापर गाउँपालिकाका सभापति महेश कटेल लगाएतका नेताहरुले पार्टीमा भब्य स्वागत गरेका छन् ।