कर्णाली नदी सरसफाई सरीक डा. रेग्मी

बाजुरा :- नदी हाम्रो सभ्यता संग जोडिएकाले यसको स्वच्छता कायम गर्नु हामी प्रत्यक ब्यक्तिको दायीत्व भएको सह-सचिव डा रेग्मीको भनाई छ ।। जीविकोपार्जन पुनरुत्थानका लागि दिगो पर्यटन परियोजना अन्र्तगत कर्णाली नदी सरसफाई कार्यक्रमको आज समापन गरिएको छ । पर्यटन क्षेत्रमा संलग्न जनशक्तिलाई अल्पकालिन रोजगार दिने उदेश्यले आयोजित कार्यक्रमको आज एक अनौपचारिक कार्यक्रमका विच समापन गरिएको हो ।

नेपाल सरकार उद्योग वाणिज्य तथा आपुर्ती मन्त्रालयका सह-सचिव डा. नारायण प्रसाद रेग्मीले सो कार्यक्रमको समापन गर्नुभयो । कार्यक्रमको समापन गर्दै डा रेग्मीले कर्णाली नदी यस क्षेत्रको सभ्यता संग जोडिएकाले यसको स्वच्छता कायम गर्नु हामी प्रत्यक ब्यक्तिको दायीत्व भएको बताउनुभयो । डा रेग्मीले कर्णाली नदीको स्वच्छता कायम गर्नमा अग्रसर भएर काम गर्ने अभियान कर्मीहरुलाई धन्यवाद दिदै यो अभियान समयमै सञ्चालन भएकोमा खुसी ब्यक्त गर्नुभयो ।

सहसचिव रेग्मीले कर्णाली नदीलाई भोलिको बागमति नदी जस्तो हुन नदिनका लागि अहिले देखि नै काम गर्नु पर्ने बताउनुभयो । त्यस्तै कर्णाली सरसफाई तथा स्वच्छता अभियानका संयोजक तथा नागरिक सेवा सरोकार मञ्च बाजुराका अध्यक्ष जनेश भण्डारीले अहिले विश्व तापमान बृद्धिले जलवायु परिर्वतन भई रहेकोले यसबाट यहाँको जीवन पनि प्रत्यक्ष रुपमा प्रभावित हुने भन्दै नदीलाई बचाउन सके मात्र मानव जीवन रहन सक्ने बताउनुभयो ।

कार्यक्रममा सहसचिव डा।रेग्मी, नागरिक सेवा सरोकार मन्च बाजुराका अध्यक्ष जनेश भण्डारी, जगन्नाथ गाउँपालिका वडा नं २ का वडाध्यक्ष कर्ण विष्ट, हिमालयन बैङ्क स्वामीकार्तिकका प्रवन्धक धुव्र शाही, लगायत सुरक्षाकर्मी, सञ्चारकर्मी र स्थानियबासीको उपस्थिति रहेको थियो ।