बाजुरामा पनि नेपाल फोटो पत्रकार महासंघ बिस्तार : अध्यक्षमा रौले

बाजुरा,१० फागुन : बाजुरामा पनि नेपाल फोटो पत्रकार महासंघ बिस्तार गरिएकाे छ । बाजुराकाे  नेपाल फोटो पत्रकार महासंघको अध्यक्षमा प्रेम रौले चयन भएका छन । देशभरी नेपाल फोटो पत्रकार महासंघको संगठन विस्तार भइरहेका बेला बाजुरामा पनि उक्त संगठन निमार्ण गरिएको हो । प्रेस युनियन बाजुराका अध्यक्ष समेत रहेका रौले फोटो पत्रकार महासघको अध्यक्षमा निर्बाचित भएका हुन ।  अध्यक्षमा रौले रहने गरी जिल्लामा ९ सदस्यीय फोटो पत्रकार महासंघको संगठन विस्तार गरिएको नवनिर्वाचित अध्यक्ष प्रेम रौलले बताए ।

जसमध्य उपाध्यक्ष सोधा नेपाली, सचिव लक्ष्मीराज पाध्याय,सह–सचिव जय बहादुर रावत , कोषाध्यक्ष प्रमित बिकलाई चयन गरिएको हो । त्यस्तै सदस्य प्रकाश बिक, युवराज बडुवाल तुल्सा रोकाया र मिन बहादुर खड्कालाई चयन गरिएको छ । नेपाल फोटो पत्रकार महासंघका तदर्थ समितिका अध्यक्ष प्रेम रौलेको अध्यक्षतामा संचालन भएको कार्यक्रमका प्रमुख अतिथी बडीमालिका नगरपालिकाका नगरउपप्रमुख कविता बिष्ट रहनु भएको थियो ।

त्यस्तै कार्यक्रमका बिशिष्ट अतिथी नेपाल प्रेस युनियनका केन्द्रीय सदस्य एबम नेपाल पत्रकार महासंघ बाजुराका संस्थापक अध्यक्ष दयाराम पण्डित, प्रेस चौतारी नेपाल शुदुरपश्चिम प्रदेशका अध्यक्ष कृष्ण ओली, नेपाल, प्रेस चौतारी नेपालका केन्द्रीय सदस्य बसन्त बिश्वकर्मा ,प्रकाश सिंह, पत्रकार महासंघका उपाध्यक्ष पदम सिंह , नेपाल पत्रकार महासंघका पुर्व अध्यक्ष मदनराज जोशी लगायत रहनु भएको थियो । नवनिर्वाचित नेपाल फोटो पत्रकार महासंघका सचिव लक्ष्मीराज पाध्यायले संचालन गर्नुभएको कार्यक्रमको स्वागत मन्तव्य नेपाल पत्रकार महासंघ बाजुरा शाखाका सदस्य राम बहादुर विकले राखेका थिए ।