बाजुराको कोल्टीमा जीप दुर्घटना हुँदा चालक र सह-चालक घाईते ।

–सर्मिला रोकाया / बाजुरा :बाजुराको बुढीनन्दा नगरपालिका वडा नं दुई दानसाङगुमा हिजो जीप दुर्घटना हुँदा दुई जना घाइते भएका छन । मार्तडिबाट कोल्टी आउँदै गरेको जीप कोल्टीको दानसागुमा दुर्घटना हुँदा चालक र सहचालक घाईते भएका ईलाका प्रहरी कार्यालय कोल्टीले जनाएको छ ।
मालिका यातायात प्रालिको से १ ज १०६२ नम्वरको जीप दुर्घटना हुँदा २३ वर्षिया चालक रामबहादुर भण्डारी र सहचालक बुढीनन्दा नगरपालिकाको पाण्डुसैन वस्ने २० वर्षिया लोकेन्द्र गुरुङ्ग घाईते भएको प्रहरीले जनाएको छ । गाडिमा अन्य यात्रु सवार नभएका कारण चालक र सहचालकले गाडिबाट हाम फालेकाले सामान्य घाईते भएको प्रहरीले जनाएको छ । घाईते चालक र सहचालकको कोल्टीमा उपचार भईरहेको र अवस्था सामन्य रहेको जनाईएको छ ।