नेपाली काँग्रेस स्वामीकार्तिक खापर गाउँकार्यसमितिको अन्र्तक्रिया कार्यक्रम सम्पन्न

सर्मिला रोकाया / बाजुरा : नेपाली काँग्रेस स्वामीकार्तिक खापर गाउँकार्यसमितिको अन्र्तक्रिया कार्यक्रम सम्पन्न भएको छ । नेपाली काँग्रेस स्वामीकार्तिले आयोजना गरेको आन्तरिक रणनिती र छलफल विषयक अन्र्तक्रिया कार्यक्रम गाउँपालिकाको केन्द्र सुइजिउलामा हिजो सम्पन्न गरिएको हो । गाउँ कार्य समितिका सभापति महेश कट्टेलको सभापतित्वमा सम्पन्न कार्यक्रमको प्रमुख अतिथि नेपाली काँग्रेस बाजुराका उपसभापति नारायण पाध्याय रहनुभएको थियो भने विशिष्ट अतिथि नेपाली काँग्रेस बाजुराका सचिव भरत रोकाया रहनुभएको बताइएको छ ।

अन्र्तक्रियामा नेताहरुले पार्टीलाई वलियो र शशक्त वनाउनका लागि हरेक कार्यकर्ताको महत्वपूर्ण भूमिका हुने भएकाले प्रत्यक सदस्यलाई सक्रिय पूर्वक पाटीमा लाग्नु पर्ने बताएका छन । स्थानिय तहको पहिलो चुनावमा पार्टीले ब्यहोरेको हारले काँग्रेस समर्थक जनताले पाँच बर्षमा स्थानिय सरकारबाट दुख पाएको भन्दै एक भएर आगामी निर्वाचनमा जित सुनिश्चीत हुने गरी लाग्न आग्रह गरिएको छ । नेता जंगबहादुर विष्ट, महाधिवेसन प्रतिनिधि कमल बुढा, प्रदेश कार्य समिति सचिव जनम धामी लगायत अतिथि रहेको कार्यक्रममा नेकपा एमालेका पूर्व वडाकमिटी अध्यक्ष ऐभान कट्टेल लगायत लक्षी कटेल, जैधन कटेल, प्रेम कट्टेल, धिर कटेल, सुरेश कटेल, प्रभुनन्द न्यौपाने, मखन बुढा, जयरुप बुढाले एमाले परित्याग गरी काँग्रेसमा प्रवेश गरेका गाउँ कार्य समिति सभापति महेश कट्टेलले जानकारी दिनुभयो ।