बाजुराकाे खप्तड छेडेदह ६ का वडाध्यक्ष विष्टकाे निधन

बाजुरा: बाजुराकाे खप्तड छेडेदह गाउँपालिका वडा.नम्वर ६ का वडाध्यक्ष हर्कबहादुर विष्टको निधन भएको छ।

गएराति उनकाे ५० बर्षकाे उमेरमा निधन भएको पारिवारिक श्राेतले बताएको छ। विष्ट २०७९ सालको स्थानीय तहको निर्वाचनमा नेपाली कांग्रेसबाट वडाध्यक्ष पदमा निर्वाचित भएका थिए।

लामाे समयदेखि क्यान्सर राेगबाट ग्रसित उनकाे निधले सिंगाे गाउँपालिका शाेकमग्न भएको छ। उनी टाउकाको क्यान्सर बाट पीडित रहेका थिए ।

समाजसेवी समेत रहेका वडाध्यक्ष विष्टको निधनमा गाउँपालिकाले एकदिन शोक बिदा दिने र आधा झण्डा झुकाउने गाउँपालिकाका अध्यक्ष दिलबहादुर रावतले जानकारी दिए।मृतक विष्टकाे अन्तिम दाहासंस्कार आजै गरिने बताइएको छ।