लुकेका,ओझेल परेका र वास्तविक समस्या उजागर गर्ने पेशा नै पत्रकारीता हाे:अध्यक्ष मल्ल

बाजुरा: हिमाली गाउँपालिकाका अध्यक्ष गाेविन्द्र बहादुर मल्लले सुर्यकाे किरण नपुगेकाे ठाउँमा पत्रकारकाे आँखा पुग्ने बताएका छन्। साेमबार नेपाल पत्रकार महासंघ जिल्ला शाखाको २१ औं साधारण सभा तथा महासंघको ७१ औं स्थापना दिवसको अवसरमा आयोजित कार्यक्रममा बाेल्दै उनले यस्ताे बताएका हुन् ।

खाेजमुलक,सत्य,तथ्य र निष्पक्षता नै पत्रकार र पत्रकारीताकाे धर्म रहेकाे बताउँदै उनले पत्रकार सबैकाे साझा हुनुपर्नेमा जाेड दिए। पत्रकारले पक्ष,विपक्ष नभई समान तरिकाले आम नागरिक जनसमुदायका आवाज बुलन्द गर्नुपर्ने बताएका हुन्।

पछिल्लो समय सामाजिक सञ्जाल लगायत प्रविधिकाे विकासले रेडियो,पत्रपत्रिका टेलिभिजन सुन्ने,पढ्ने प्रवृति क्रमश: हराउँदै गए पनि लेखनमा नकारात्मक प्रभाव पर्दै गएकाे प्रष्ट पारे। साथै उनले पत्रकारले स्वयम् पक्ष,विपक्षमा कलम चलाउँदै जाे,जसकाे नजिक छ,उसकै बढाई चढाई गरेर लेख्ने प्रवृति हावी भएको समेत बताएका हुन्।

‘पत्रकारले कसैकाे बढाईचढाई गरेर लेख्न आवश्यक छैन्। जसले जस्ताे काम गरेकाे छ,त्यस्तै लेख्न आवश्यक छ।सहिलाई सही र गलतलाई गलत भन्न पत्रकारले सक्नुपर्छ,
सकारात्मक र नकारात्मक दुबै पक्षमा कलम चल्न आवश्यक छ।,’उनले भने,‘दलगत पत्रकारीताले स्वयम् पत्रकार र पत्रकारीता क्षेत्र माथी नै प्रश्न चिन्ह खडा गर्छ। पत्रकार सच्चा,निष्पक्ष र स्वतन्त्र हुनुपर्छ ।’

“सुर्यकाे किरण नपुगेकाे ठाउँमा पत्रकारकाे आँखा पुग्छ”, दुर दराज,सामान्य मानिस वा राज्यकाे ध्यान नपुगेकाे ठाउँमा पत्रकार पुगेर सत्य कुरा बाहिर ल्याउँछ।मल्लले भने,‘पत्रकारीता लुकेकाे,ओझेल परेकाे अथवा अन्याय भएको ठाउँमा न्यान दिलाउने र वास्तविक समस्या उजागर गर्ने पेशा पत्रकारीता हाे।’

अध्यक्ष मल्लका अनुसार,पत्रकार समाजका आँखा जस्तै हुन्: जहाँ अन्धकार छ,त्यहाँ उज्यालो ल्याउने काम गर्छन्।समाजका तेजिला आँखा पत्रकार र पत्रकारीता पेशाले अन्याय,भ्रष्टाचार र बेतिथि लुकाईएका ठाउँमा पुगेर सत्य कुराकाे विकुल फुक्छन्। निष्पक्ष र स्वतन्त्र पत्रकारीतालाई धमिलाे बनाउन नहुने कुरामा उनले जाेड दिए ।

उज्यालोले जसरी अन्धकार हटाउँछ,त्यस्तै पत्रकारीता पेशाले समाजमा लुकेका विकराल समस्या सबैकाे सामू ल्याई सचेतनाकाे आभास फैलाउँछ।मल्लले समाज र देश विकासमा पत्रकारकाे अमुल्य याेगदान रहेकाे बताउँदै पत्रकारकाे हक हितका सवालमा र उनीहरुलाई पत्रकारीता पेशा गरेर जिविकाेपार्जनमा सहज पुर्याउन सरकारले समेत उचित ध्यान दिनुपर्ने बताए ।