मन्त्री सोडारीद्धारा मार्तडी कोल्टी सडकको अनुगमन

बाजुरा– जिल्लाको मार्तडी कोल्टी सडकको सुदुर पश्चिम प्रदेश सरकारका भौतिक पुर्वाधार विकास मन्त्री दिर्घ बहादुर सोडारीद्धारा अनुगमन गरिएको छ । नेकपा एसको जिल्लामा हुने अगुवा भेलामा सहभागी हुन बिहीबार बाजुरा पुगेका मन्त्री सोडारीले सडक निर्माणलाई तिब्रता गराउन र सुदृढीकरण गर्न अनुगमन गर्नु भएको छ ।

सडक निर्माणमा ढिलाई भएको गुनासो आउन नदिन सडक निर्माण कार्यलाई गति दिन भन्दै मन्त्री सोडारीले सडक निर्माणको अवस्था बुझ्नु भएको हो ।
सडक अनुगमन पछि मन्त्री सोडारीले सडक डिभिजनका कार्यालय प्रमुख र ठेकेदार संग कामलाई गति दिन र गुणस्तर सडक निर्माण गर्न अनुरोध गर्नुभयो ।

सडक अनुगमनामा सुदुर पश्चिम प्रदेश सरकारका भौतिक पुर्वाधार विकास मन्त्री दिर्घ बहादुर सोडारी, पुर्वाधार विकास कार्यालय साँफेका प्रमुख रुद्र बोगटी लगाएतको सहभागिता रहेको मन्त्रीको टोलिमा संगै आएका पत्रकार लक्ष्मी जैशीले जानकारी दिनुभयो ।