जडाङ्गामा रहेको बेलिबृज दानासाँगुमा खोलामा स्थानान्तरणको लागी सर्भे

मंसिर ६,बाजुराः बुढिनन्दा नगरपालिका स्थीत दानसाँगु खोलामा बेलिब्रिज निर्माणका लागी सर्भे गरिएको छ । सडक डिभिजन कार्यालय साँफेबगरबाट आएको प्राविधिक सहितको टोलीले दानसाँगुमा बेलिब्रिज पुल निर्माणका लागी सर्भे गरेको हो । जिल्लाको मार्तडी कोल्टी सडक खण्डमा पर्ने दानसाँगु खोलामा पुल नहुँदा बर्खायामको समयमा सवारी साधान नचल्ने गरेका छन् । यती बेला दानसाँगु खोलामा बेलिब्रिज निर्माण गर्नका लागी सर्भेको काम सम्पन भएकाले नागरिकलाई यात्रा गर्न सहज हुने विश्वास गरिएको बुढिनन्दा नगरपालिकाका नगरप्रमुख जनक कुमार बोहोराले बताउनुभयो ।

उहाँले भन्नुभयो,विगत लामो समयको प्रयास पछी दागसाँगु खोलामा पुल निर्माणका लागी सर्भेको काम सम्पन गर्न सफल भएको छु । अबको केही समय भित्रै बेलिब्रिज निर्माण गर्ने गरि काम अगाडी बढाईएको उहाँले बताउनुभयो । हिउँदको महिनामा चिसोले खोला तर्न नसकिने र बर्खाको समय पानीको बहाव बढ्दै जाने गरेकाले यहाँ सवारी साधानलाई खोला वारपार गर्न निकै समस्या हुदै आएको थियो, बेलिबृज निर्माण भयो भने सहज हुने उहाँको भनाई छ ।

सडक डिभिजन कार्यालय अछामले बडिमालिका नगरपालिकाको जडाङ्गामा रहेको बेलिब्रिज पुललाई त्यहाँ राख्ने गरी दानसाँघु खोलामा बेलिब्रिज पुलको सर्भे गरिएको मेयर बोहोराले भन्नुभयो । उहाँका अनुसार सस्कृती तथा पर्यटन मन्त्री बद्री पाण्डे लगायतका अन्य राजनीतीक दलका प्रतिनिधहरु संग सर्वदलिय बैठकको निर्णय अनुसार जडाङ्गामा रहेको बेलिब्रिज पुललाई दागसाँगुमा स्थानान्तण गर्ने गरि दानसाँगुमा पुल निर्माण गर्ने बताउनुभयो ।

मार्तडी कोल्टी सडकअन्तर्गत पर्ने दानसाँघु खोलामा बेलिब्रिज पुल निर्माणका लागि सर्भे भईसकेको र बजेटको ब्यबस्थापन हुन बाँकी रहेको सडक डिभिजन कार्यालय अछामका प्रमुख नेत्र देवकोटाले बताउनुभयो । भौतिक मन्त्रालयमा बजेट ब्यबस्थापन हुन नसकिने भएको हुदा अर्थमन्त्रालयबाट बजेट ब्यबस्थापनका लागी समन्वय गर्ने उहाँले भन्नुभयो ।

प्रमुख देवकोटाले भन्नुभयो, जडाङ्गा खोलामा रहेको बेलिब्रिज दानसाँगुमा स्थानान्तरण गर्ने निर्णय तथा सर्भे गर्ने काम सम्पन भयो,तर बजेट नहुँदा भौतिक तथा अर्थमन्त्रालयलाई बजेट ब्यबस्थापनका लागी गुहार गर्नुपर्ने बाध्यता रहेको छ । यसका लागी सबै बाजुरा बासीले सहकार्य,समन्वय गर्नुपर्ने उहाँले भन्नुभयो । बजेट नहूँदा ढिलो हुन सक्ने प्रमुख देवकोटाले भने ।

दानसाँघु खोलामा बेलिब्रिज पुल निर्माण भएपछि बुढीनन्दा नगरपालिकाको कोल्टी, हिमाली, जगनाथ र स्वामिकार्तिकका खापर गाउँपालिका र छिमेकी जिल्ला मुगु र हुम्लाका नागरिकलाइ समेत सहज हुने नागरिकले बताएका छन् । मार्तडीदेखि कोल्टी सडक सूचारु भएको झण्डै २५ वर्ष भए पनि दानसाँघु खोलामा पक्की पुल निर्माण नहुँदा यहाँका नागरिकहरु सधै सास्ती खेप्दै आउनुभएको छ ।