असन्तुष्टिका बिच एमाले बाजुराको अधिबेशन सम्पन्न

बाजुरा– नेकपा एमाले बाजुराको सातौं जिल्ला अधिबेशन सम्पन्न भएको छ । एमाले बाजुराको अधिबेशनमा सबैलाई मिलाएर नलिएको प्रति कतिपय नेताहरुले असन्तुष्टि जनाएका छन् । एमाले बाजुराबाट केन्द्रमा प्रतिनिधित्व गर्ने नेतृत्वले चार दिन लगाएर सहमतिको खाका बाहिर ल्याएका थिए । सहमतिको खाका बाहिरिएपछी सहमतिको खाका नमिलेको भन्दै नेकपा एमाले बाजुराका युवा नेता लालबहादुर ओलीले अध्यक्षमा उम्मेद्वारी दिएका थिए । सहमति बिरुद्ध अध्यक्षमा लालबहादुर ओली र उप सचिवमा मनदेवि ओलीले उम्मेद्वारी दिएका थिए । जिल्ला समन्वय समिती बाजुरामा मनोनयन दर्ता चलिरहेका बेला नेकपा एमालेका बाजुराबाट केन्द्रमा नेतृत्व गर्ने नेताहरुको ठाडो निर्दैशनमा मनोनयन दर्ता रोकिएको थियो । मनोनयन दर्ता रोकिएको केहि समयमै सहमतिमै एमाले बाजुराको असधबेशन सकिएको घोषणा भयो । पार्टीमा कसैको क्षमता र पार्टीमा गरेको लगाप नहेरी पार्टीलाई पेलेर लिएको भन्दै अध्यक्षका उम्मेद्वार लालबहादुर ओली लगाएत खप्तड छेडेदह गाउँ पालिकाका प्रतिनिधि जिल्ला कमिटीमा समेत नबस्ने बताएका छन् । त्यस्तै हिमालि गाउँ पालिकाका २७ जनाले समेत जिल्ला अधिबेशनमा पेलेर लिने शैलि मन नपरेको भन्दै २७ जनाले नेकपा एकिकृत समाजबादीमा लाग्ने जनाएका छन् । सहमती बाट अध्यक्षमा कालिबहादुर शाही हुने गरी जिल्ला अधिशेन सम्पन्न भएको छ । उपाअध्यक्ष भरत बुढा, सचिव भरत थापा उपसचिव हरी बहादुर रोकाया र जनक बोहरा रहेका छन भने ५५ सदस्यि कमिटि सर्बसम्बत चयन गरिएको नेकपा एमाले अधिबेशन निर्बाचन मण्डलले जनाएको छ ।