बाजुरा क्याम्पस मार्तडी बाजुराको खेलकुद सप्ताह सम्पन्न

बाजुरा– जिल्लाको सदरमुकाम मार्तडीमा रहेको सुदुर पश्चिम बिश्व बिद्यालयको आङ्गिक क्याम्पस बाजुरा क्याम्पसमा गत चैत्र ४ गतेबाट संञ्चालन भएको खेलकुद सप्ताह आज एक कार्यक्रमका बिच समापन गरीएको छ । करिब एक साता सम्म संञ्चालन भएको उक्त खेलकुद सप्ताह कार्यक्रम आज समापन गरीएको बाजुरा क्याम्पसका क्याम्पस प्रमुख रुप बहादुर रौलले जानकारी दिनुभएको छ । उक्त खेलकुद सप्ताहमा भलिबल, बास्केटबल, ब्याटमिन्टन, दौड,सटफुुट, ज्याप्लिङ थ्रो, हाईजङ लङजम्प लगायत बौद्धिक क्षमता अन्तर्गत हाजीरीजवाफ प्रतियोगिता संञ्चालन गरीएका थिए ।
आज एक औपचारीक कार्यक्रमका बिच क्याम्पस प्रमुख रुप. ब. रौलेको अध्यक्षतामा उक्त सप्ताह कार्यक्रम समापन गरीएको हो । उक्त समापन कार्यक्रमको प्रमुख अतिथि गौमुल गाउँपालिकाका अध्यक्ष हरी बहादुर रोकाया रहनु भएको थियो । त्यस्तै बाजुरा क्याम्पस प्राध्यापक संघका अध्यक्ष भिम बिष्ट बिशिस्ट अतिथिको रुपमा रहनुभएको थियो । उक्त समापन कार्यक्रममा नि.बर्तमान क्याम्पस प्रमुख सुरेश पण्डित , क्याम्समा अध्ययन अध्यापन गराउने अन्य शिक्षकहरु र क्याम्पसमा अध्ययनरत बिभिन्न संकायका बिद्यार्थीहरुको उपस्थित रहेको थियो ।

खेलकुद सप्ताह कार्यक्रममा बिजेता भने ब्यबस्थापन संकायका बिद्यार्थीहरु भएका छन् व्यवस्थापन संकायले ८ स्वर्ण १० रजत र ५ कास्य सहित २३ अंक प्राप्त गरी प्रथम भएका हुन त्यस्तै शिक्षाशास्त्र संकायले ७ स्वर्ण ६ रजत ५ कास्य सहित १८ अङ्क प्राप्त गर्दे दितिय भएको छ भने ६ स्वर्ण ४ रजत र ५ कास्य सहित १५ अङ्क प्राप्त गरी मानविकी संकायले तृतीय भएको छ ।कार्यक्रममा प्रथम,दितिय र तृतिय हुने सबै संकाय बिद्यार्थीहरुलाई मेडल र प्रमाणपत्रले सम्मान गरीएको हो । उक्त खेलकुद समापन कार्यक्रमको संञ्चालन क्याम्पस प्रशासन सहायक मदन राज जैशीले गर्नुभएको थियो ।