बाजुरामा मनोमानित भाडा असुल्ने सवारी साधन माथि प्रहरीको कडा निग्रानी

बाजुरा- जिल्लामा बाजुरामा मनोमानित भाडा असुल्ने सवारी साधन माथि प्रहरीले कडा कडा निग्रानी गरेको छ ।जिल्ला प्रशासन कार्यालय बाजुराले नयाँ भाडा दर निर्धारण गरेको भएपनि सो पालन नगरी जिप व्यावसायिले निर्धारण गरेको भाडादर बिपरित भाडा असुल्न नछोडेको जनगुनासो पछी प्रहरीले निग्रानी गर्न थालेको हो । जिल्लाका बिभिन्न सडक खण्डका चल्ने सवारी साधनहरुले निर्धारण गरेको भाडादर बिपरित भाडा असुल गरेको पाइएका प्रहरीले यात्रुलाई भाडा फिर्ता गराउदै आएको छ । यसैबिच बिहिवार जिल्ला प्रशासन कार्यालय बाजुराले निर्धारण गरेको भाडादर बिपरित भाडा असुल गर्ने जीप व्यवसायीलाई कारबाहगरिएको छ । जिल्ला भित्रका सडकमा चल्ने यात्रुवाहक सवारी साधनको प्रयोजनका लागि जिल्ला प्रशासन कार्यालय बाजुराले सार्वजनिक गरेको भाडादर भन्दा दोब्बर भाडा लिने सवारी चालकलाई कार्वाही गरिएको हो ।
प्रहरीले जिल्लाका बिभिन्न ठाँउका सडक खण्डहरुमा चेकजाँच गर्ने क्रममा जिल्लाको पुर्वी उत्तरी भेगमा रहेको हिमाली गाँउपालीका पिलुचौरबाट जुड्डी तर्फ जादै गरेको सु.प.प्र. ०१००१ ज १३१९ नं. को सवारी साधनले यात्रुबाट निधारण गरे बिपरित असुल गरेकोले कारवाही गरिएको जिल्ला प्रहरी कार्यालय बाजुराले जनाएको छ । प्रहरीका अनुसार तोकिएको भाडा भन्दा बढी लिएको रकम रु।१०० प्रति यात्रुहरुलाई फिर्ता गराई पहिलो पटक सम्झाई बुझाई गरि छोडिएको बताइएको छ ।
जिल्लाको सबै स्थानीय सडक खण्डको भाडादर कायम गर्दा समेत कार्यान्वयनमा नल्याउने र मनोमानित भाडा असुल्ने सवारी साधन माथि कडा नीग्रानी राखिएको जिल्ला प्रहरी कार्यालय बाजुराका प्रहरी निरिक्षक रविन्द्र कठायतले बताएका छन्। तोकिए भन्दा बढी भाडा लिने गरेका जीप व्यवसायीलाई स्पष्टीकरणसहित बढी लिएको भाडा सम्बन्धित यात्रुलाई फिर्ता गर्न थालिएको उनले बताएका छन् । हालसम्म जिल्लामा दुई दर्जन जीप व्यवसायीलाई कारबाही गरिएको र भाडादर कार्यान्वयन भए नभएको विषयमा जिल्लाभरि अनुगमन भइरहेको र कार्यान्वयन नभएको पाइएमा कारबाही गरिने प्रहरी नायब उपरिक्षक थापाको भनाई छ ।जिल्ला प्रहरी कार्यालयले प्रत्येक ईलाका प्रहरी कार्यालयलाई सवारी चेकजाँच गरि पूर्ण रुपमा भाडा कार्यान्वयन गराउन निर्देशन दिएपछि हाल भाडादर कायम हुन थालेको छ ।