नवनियुक्त प्रधानमन्त्री शाहले पदभार ग्रहणसंगै अघि बढाए कामकाज

नवनियुक्त प्रधानमन्त्री बालेन शाहले पदभार ग्रहणसंगै कामकाज अघि बढाएका छन् । शुक्रवार शितलनिवासमा राष्ट्रपतिबाट शपथग्रहण गरेलगत्तै पदभार ग्रहणको लागि बालेन प्रधानमन्त्री कार्यालय पुगेर पदभार ग्रहण गरेका थिए । शाह संगै अन्य सबै मन्त्रीहरुले पदभार ग्रहण गरेका हुन् । शाहको नेतृत्वमा सरकार गठन समेत भएको हो । शाह सहित १४ जनाको मन्त्रीमण्डल गठन भएको हो ।

जसमा प्रधानमन्त्री बालेन शाहले रक्षा र उद्योग मन्त्रालय पनि सम्हालेका छन् ।मन्त्रिपरिषदमा दोस्रो वरीयतामा रहेका स्वर्णिम वाग्लेले अर्थमन्त्रीको जिम्मेवारी पाएका छन् ।तेस्रो वरियतामा रहेका सुधन गुरुङले गृह मन्त्रालयको जिम्मेवारी पाएका हुन् ।शिशिर खनालले परराष्ट्र मन्त्रालय,सुनिल लम्सालले भौतिक पूर्वाधार तथा यातायात र सहरी विकास मन्त्रालयको जिम्मा पाएका छन् ।

त्यस्तै विराजभक्त श्रेष्ठले ऊर्जा जलस्रोत तथा सिंचाइ मन्त्रालय,खड्कराज पौडेल गनेशले संस्कृति पर्यटन तथा नागरिक उड्ययन मन्त्रालय,सस्मित पोखरेललाई शिक्षा विज्ञान, तथा प्रविधि र युवा तथा खेलकुद मन्त्रालयको जिम्मेवारी दिइएको छ ।निशा मेहता स्वास्थ्य तथा जनसंख्या मन्त्री बनेकी छन् ।विक्रम तिमिल्सिना सञ्चारमन्त्री बनेका हुन् ।प्रतिभा रावलले सामान्य प्रशासन मन्त्रालय,दीपक साह महोत्तरीले श्रम,सोविता गौतमले कानुन गिता चौधरीले कृषि र सीता वादीले महलिा तथा बालबालिका मन्त्रालयको जिम्मेवारी पाएकी छन् ।