प्रथम बुढिगंगा ‘कबड्डी’ प्रतियोगिता सम्पन्न,उपाधी आयोजक टिम ‘A’ को पोल्टामा

बाजुराः प्रथम बुढिगंगा ‘कबड्डी’  प्रतियोगिता भव्य रुपमा सम्पन्न भएको छ। बुढिगंगा नगरपालिका ६ नम्बर वडा कार्यालयको आयोजनामा आयोजित उक्त खुल्ला पुरुष कबड्डी प्रतियोगिता सम्पन्न भएको हो।

वडा कार्यालयद्वारा आयोजित प्रथम बुढिगंगा खुल्ला पुरुष भलिवल प्रतियोगिता समापन गरिएको बुढिगंगा नगरपालिका वडा नम्बर ६ का वडाअध्यक्ष हेमराज जोेशीले बताए ।उनका अनुसार कबड्डी प्रतियोगिताको उपाधि आयोजक टिम ‘A’ ले हात पारेको बताएका छन्।

त्यस्तै प्रतियोगितामा द्धितिय आयोजक टिम ‘B’ भएको छ। प्रतियोगितामा प्रथम द्धितिय हुने टिमलाई क्रमश ४५ हजार ५ सय ५५ र १५ हजार ५ सय ५५ सहित कप मेडल र प्रमाणपत्र प्रदान गरिएको अध्यक्ष जोशीले जानकारी दिए ।

“स्वास्थ्यका लागि खेलकुद, राष्ट्रकका लागि खेलकुद” भन्ने मुल नाराका साथ सञ्चालन भएको प्रथम बुढिगंगा कबड्डी प्रतियोगितामा पाँच टिम सहभागी थिए । युवा खेलाडीहरुलाई प्रोत्साहित गर्न र खेलप्रति जागरुकता बढाउन भानोदय मा.वि.नौबिसमा सञ्चालित कबड्डी प्रतियोगिता सकिएको हो।

कबड्डी समापन कार्यक्रममा बोल्दै बुढिगंगा नगरपालिकाका नगर प्रमुख राम बहादुर बाँनियाले खेल क्षेत्र आफैमा स्वस्थ समाज निर्माणको आधार भएकोले खेल क्षेत्रको विकासमा नगरपालिका प्रतिबद्ध रहेको बताए ।नगरपालिकाको खेल क्षेत्रको विकासमा आफू र सिङ्गो पालिका कुनै कदम पछि नहट्ने बताएका हुन्।

साथै कबड्डी पनि खेल क्षेत्रकै महत्त्वपूर्ण पाटो भएकोले यस्ता प्रतियोगिता सञ्चालन गर्न आवश्यक रहेको कुरामा उनले जोड दिए ।त्यस्तै कार्यक्रमका विशिष्ट अतिथि बुढिगंगा नगरपालिका ६ का अध्यक्ष हेमराज जोशीले कबड्डी प्रतियोगिताले वडा नम्बर ६ मात्र नभई सिङ्गो पालिकाको खेल क्षेत्रको विकासमा टेवा पुग्ने बताए ।

आगामी दिनहरुमा पनि यस्ता प्रतियोगितालाई निरन्तरता दिदैँ जाने उनको भनाई थियो।बुढिगंगा नगरपालिकाका खेलकुद विकास समिति अध्यक्ष केशव राज जोशीको अध्यक्षतामा सञ्चालन भएको कबड्डी प्रतियोगितामा नगर प्रमुख राम बहादुर बाँनिया प्रमुख अतिथि रहनु भएको थियो।

त्यस्तै कार्यक्रममा बुढीगंगा नगरपालिका वडा।नम्बर ६ का अध्यक्ष हेमराज जोशि विशिष्ट अतिथि रहेका थिए ।स्वास्थ्यकर्मी हस्त खडायतले सञ्चालन गरेको कार्यक्रममा विभिन्न खेलप्रेमी खेलाडी लगायत स्थानीयको सहभागीता रहेको थियो।