बाजुरा समस्या संगै अथाह सम्भावना बाेकेकाे जिल्ला हाे: नगर प्रमुख बाेहरा

बाजुरा: बुढिनन्दा नगरपालिकाका नगर प्रमुख जनक कुमार बाेहराले बाजुरा समस्या संगै अथाह सम्भावना बाेकेकाे जिल्ला रहेकाे बताएका छन्।शुक्रबार प्रथम छेडेदह क्रिकेट कप प्रतियाेगिताकाे उद्घाटन गर्दै उनले यस्ताे बताएका हुन्।

‘बाजुरा हरेक समस्या संगै गुर्जिरहेकाे छ। ति समस्या साथ अनेकौं सम्भावनाहरु पनि छन्। अब हरेक सम्भावनाहरुकाे उजागर गर्न जरुरी छ । मेयर बाेहराले भने,विभिन्न प्रतियाेगिताका माध्यमद्वारा अनेकौं सम्भावनाहरुकाे उजागर गर्नेछौं ’।

बाजुरा खेलकुद क्षेत्रमा अझै अब्बल रहेकाे बताउँदै नगर प्रमुख बाेहराले बाजुरालाई खेल क्षेत्रकै माध्यमबाट विश्वसामु चिनाउन आफू कुनै कदम पछि नहट्ने बताएका हुन्। उनले भने,‘बाजुरामा खेल क्षेत्रमा भविष्य बाेकेका थुप्रै खेलाडीहरु छन्।ती खेलाडीहरुकाे सपना जसरी पनि साकार पार्नेछाै ’।

खेल क्षेत्र समाज विकासको एक महत्वपूर्ण आधार भएकोले खेल क्षेत्रलाई उच्च प्राथामिकतामा राख्नु पर्ने कुरामा उनले जाेड दिए।खेल क्षेत्रको विकासमा सम्बन्धित स्थानीय सरकारले आधार निमार्ण गर्न जिम्वेवार बन्नुपर्ने बताउदै उनले आफूले आफ्नो बुढिनन्दाकाे खेल क्षेत्रकाे विकासमा महत्त्वपूर्ण भुमिका निर्वाह गर्दै आएकाे समेत बताए ।

बाजुरा हरेक क्षेत्रमा अब्बल छ ।बाजुरासँग थुप्रै खेलाडी छन। आफ्नै मैदानमा खेलाडी जन्मिन्छन् तर खेलमैदानकाे अभाव छ।उचित किसिमकाे खेल मैदान नहुँदा कयौं सम्भावना बाेकेका खेलाडीहरुले खेल क्षेत्रबाटै हात धुनु पर्ने अवस्था रहेकाे बाेहराले बताए ।

यहाँका खेलाडीले जिल्लाकाे नाम उँचो बनाएका छन् । खेल क्षेत्रमै वाहवाही पाएका छन्। तर तीँ खेलाडीको संघर्ष भने सहज छैन । क्षमता भएपनि खेलकुदका गतिविधि अघि बढाउन उपयुक्त मैदान छैनन् ।जसले खेलाडीहरुलाई प्रत्यक्ष असर गरिरहेकाे बाेहराकाे भनाइ छ।

सिङ्गाे जिल्लाकाे खेल क्षेत्रकाे विकासमा लाग्न सम्पुर्ण राजनितिक दल,सराेकारवाला निकाय,स्थानीय सबैले ध्यान दिन जरूरी रहेकाे बताए । यदि जिल्लामै राम्रो खेलमैदान भएको खण्डमा राम्राराम्रा खेलाडी उत्पादन गर्न सकिने अवस्था रहेकाे उनकाे भनाइ छ।

प्रथम छेडेदह क्रिकेट कप प्रतियोगितामा ८ टिम सहभागी छन् ।पछिल्लो समय छेडेदह खेलकुदको हब बन्दै गएकाे छ । २०७६ देखि फुटबल प्रतियोगिता आयोजना गरिरहेको छेडेदह स्पोर्ट्स क्लबले पहिलाे पटक छेडेदह क्रिकेट कपकाे आयोजना गरेकाे हाे ।यस प्रतियोगिताले सुदूर पहाडीका जिल्लामा क्रिकेटको क्रेज बढाउने अपेक्षा समेत लगिएकाे छ ।