रेडियो अपिका स्टेशन मेनेजर न्यौपानेले गरे मल्ललाई रक्तदान

बाजुराः बुढीनन्दा नगरपालिका वडा नं १ मा रहेको सामुदायिक रेडियो अपि एफएमका स्टेशन मेनेजर धृष्ट प्रसाद न्यौपानेले रक्तदान गर्नुभएको छ ।बुढीनन्दा ५ छातिकोटकी ३५ बर्षिया लक्ष्मी मल्ललाई स्टेशन मनेजर न्यौपानेले रक्तदान गर्नुभएको हो ।

कोल्टी आधारभुत अस्पतालमा उपचार गराइरहेकी मल्ललाई आफुले १ पोइन्ट रगत दिएको स्टेशन मेनेजर न्यौपानेले बताए । उनले भने,“ रगत अभावले अस्पतालको बेडमा छट्पटाइरहेको अबस्थामा मल्ललाई अस्पतालमै पुगेर रगत दिएको हुँ। रगत दिएर कसैको ज्यान जोगिन्छ भने आफु जतिसुकै बेला विरामीलाई रगत दिन तयार हुनेछु । ”

रक्तदान नै जीवनदान सरह हुने भएकोले एक थोपा रगतले कसैको ज्यान बाँच्छ भने आफु कहिल्यै पछी नहट्ने न्यौपानेले बताए । करिब ५ बर्ष देखि पत्रकारीता,संगै सामाजिक कार्य गर्दै आईरहेका न्यौपानेले मल्ललाई रक्तदान गरेर सहयोग गर्नुभएको हो ।

न्यौपानेले रगत दिए पछि उनको ज्यान खतरामुक्त बनेको हो । रगत दान गर्नु भनेको जीवन दान गर्नु जत्तिकै भएकोले आफुले अस्पतालमै पुगेर मल्ललाई रगत दिएको न्यौपानेले बताए।कोल्टी अस्पतालमा उपचारत मल्ल एक उदाहरण पात्र मात्रै रहेको बताउदै उनले अस्पतालमा यस्ता थुप्रै बिरामी आउने गरेको भए पनि रगत अभावमा सहज उपचार हुन नसक्ने उनले बताएका छन् ।यदि अस्पतालमा कोही रगत अभावमा छट्पटाई रहेको अबस्थामा रेडियोका कर्मचारी संग कसैको रगत मिलेको खण्डमा रेडियो परिवार पछि नहट्ने मेनेजर न्यौपानेले बताए ।

अस्पतालमा हिजो मात्रै सोही रेडियोका प्रबन्ध निर्देशक जितजंग कटेलले स्वामीकार्तिक खापर गाउँपालिका वडा नं ३ जुकोट घर भएकी कोपिला सिंहलाई रक्तदान गर्नुभएको थियो ।बाजुरामा ब्लड बैंक नहुदा कहिले पत्रकार,कहिले प्रहरी लगायतले रगत दिएर ज्यान जोगाउनु पर्ने अवस्था रहेको छ। कतिपयले रगत पाए पनि कतिपयले भने अकालमै मर्नु पर्ने बाध्यता छ । स्थानीयहरुले ब्लड बैंकको स्थापना गर्न माग गरे पनि त्यो माग पूरा हुन सकेको छैन ।केही महिना अगाडि जिल्ला अस्पताल बाजुरामा आकस्मिक रक्तसञ्चार केन्द्रको उद्धाटन गरिएको भए पनि राम्रो संग सञ्चालनमा भने आएको छैन् ।