ओडारमा लुकाई राखेकाे अवस्थामा भरुवा बन्दुक सहित एक जना पक्राउ

बाजुरा: ओडारमा लुकाई राखेकाे अवस्था भरुवा बन्दुक सहित एक जना पक्राउ परेका छन् । पक्राउ पर्नेमा जिल्लाकाे बुढीनन्दा नगरपालिका वडा नम्बर ४ बस्ने अन्दाजी २१ बर्षिय तुलसी रोकाया रहेकाे जिल्ला प्रहरी कार्यालय बाजुराका प्रहरी नायव उपरीक्षक ईकवाल हवारीले बताए ।

उनका अनुसार,निज राेकायाले जङ्गल नजिककाे ओडारमा लुकाएर राखेकाे एक नाले भरुवा बन्दुक सोमवार दिउँसाे इलाका प्रहरी कार्यालय बुढीनन्दाबाट खटिएको प्रहरी टोलीले विशेष सूचनाका आधारमा साझ ७:३० बजे पक्राउ गरिएकाे बताएका छन्।

साेमबार पक्राउ परेका रोकायालाई म्याद थपका लागि जिल्ला अदालतमा पेश गरिएको र घटनाको आवश्यक अनुसन्धान भइरहेको उनले बताए ।