थापाको निधन प्रति काँग्रेस बाजुरा द्धारा समवेदना प्रकट

बाजुराः बुढीगंगा नगरपालिका वडा नम्बर ६ निवासी नेपाली काँग्रेसका क्रियाशिल सदस्य नरेन्द्र थापाको बैशाख २४ गते भएको असमाहिक निधन प्रति काँग्रेस बाजुराले समवेदना प्रकट गरेको छ । थापाको निधनले नेपाली काँग्रेस बाजुरा अत्यन्तै मर्माहित स्तब्ध भएको छ । मृतकको यस दुखत घडीमा परिवार जन प्रति गहिरो समवेदान प्रकट गर्दे मृतआत्माको चिर शान्तीको कामना व्यक्त गर्दछौ काँग्रेस बाजुराका कार्यबाहक सभापती पदम बडुवाल द्धारा हस्ताक्षरित श्रदाञ्जली पत्रमा भनिएको छ ।

बडीमालिका क्याम्पसका सहायक प्राध्यापक समेत रहेका थापा मृत अवस्थामा फेला परेका थिए। ३८ वर्षीया थापा सोही वडाको फालासैन बजार नजिक साँफे-मार्तडी सडकखण्डको बायाँ पट्टी नालीमा मृत अवस्था फेला पर्नु भएको थियो । करिब ९ १० वर्षदेखि बडीमालिका क्याम्पसमा अध्यापन गराईरहेका थापाको अकल्पनीय देहावसानले सिङ्गो क्याम्पस परिवार र नगरपालिका शोकमा डुबेको छ ।