गम्भीर घाइते भएकी महिलाको मृत्यु

बाजुराः जिल्लाको बुढीननद्या नगरपालिकामा गम्भिर घाइते भएकी एक महिलाको मृत्यु भएको छ । सोही नगरपालिका ७ सुदाडी पातल समुदायिक वनमा गम्भीर घाइते भएकी महिलाको मृत्यु भएको छ ।गाईलाई घाँस काट्न गएकी सोही वडास्थित सेरकाटियाकी ५५ वर्षीया काली जोशीको उपचारका क्रममा कोल्टी अस्पतालमा मृत्यु भएको जिल्ला प्रहरी कार्यालय बाजुराका प्रहरी नायव उपरीक्षक इकवाल हवारीले बताएका छन् ।

शुक्रबार विहान साढे ८ बजे स्थानीयले जोशीलाई घाइते अवस्थामा फेला पारेका थिए । त्यहाका स्थानीयका अनुसार बम पट्के जस्तै ठुलो आवाज सुनिएको थियो । उनको छाती र बायाँ पाखुरामा गहिरो चोट लागेको अवस्थामा स्थानीयले भेटाएका थिए । तर के कारणले घाइते भएकी हुन भन्ने एकीन थाहा नभएको र प्रहरीको टोली घटनास्थलमा पुगेर घटनाको अनुसन्धान गरिरहेको छ । गम्भीर घाइते जोशीलाई उपचारका लागि एम्बुलेन्स मार्फत कोल्टी ल्टी अस्पतालमा ल्याएकी थिइन् । उनको शुक्रबार दिउँसो १२ः१५ बजे अस्पतालमै मृत्यु भएको डाक्टर रञ्जित शाहले बताएका छन् ।

डाक्टर शाहका अनुसार कालीको छातीमा घाउँका कारण अत्याधिक रक्तश्रावका हुँदा मुत्यु भएको  हो । गहिरो घाउँ भएपनि यो कारणले हो भनेर एकीन गर्न नसकिने उनले बताएका छन् ।शव पोष्मार्टमका लागि अस्पतालमा राखिएको छ । यता जिल्ला प्रहरी कार्यालय बाजुराका प्रमुख तथा प्रहरी नायव निरीक्षक हवारीले कोल्टी प्रहरीको टोली घटनास्थलमा घटनाको अनुसन्धान गरिरहेको र अहिलेसम्म यही कारणले घटना भएको हो भन्ने पत्ता भने नलागेको बताएका छन् ।

घटनाको थप अनुसन्धानका लागि जिल्लाबाट प्रहरीको टोली पठाउने तयारी थालिएको उनले बताए । घटनास्थलमा खटिएको प्रहरीको रिपोट र अस्पतालको पोष्टमार्टको रिपोर्टपछि घटनाको बारेमा भन्न सकिने डीएसपी हवारीले बताएका छन् ।