बाजुराका दुई सामुदायिक विद्यालय नमूना विद्यालयको रुपमा छनौट

बाजुराः बाजुराका दुई सामुदायिक विद्यालय नमुना बिद्यालयको रुपमा छनोट भएका छन् । सुदूरपश्चिम प्रदेश सरकारले बाजुराका दुई सामुदायिक विद्यालयहरुलाई नमूना विद्यालयको रुपमा छनौट गरेको हो । बुढीनन्दा नगरपालिका कोल्टीमा रहेको जनप्रकाश मावि र बुढीगंगा नगरपालिकामा रहेको पशुपति मावि नमूना विद्यालयको रुपमा छनौट भएका छन् ।

प्रदेश सरकारले बाजुरा सहित ९ वटै जिल्लाका १६ निर्वाचन क्षेत्रका ३२ सामुदायिक विद्यालयलाई नमूना विद्यालय छनौट गरेको गरेको छ ।सामाजिक विकास मन्त्रालयले सार्वजनिक गरेको सूचनामा नमूना विद्यालयमा विकास गर्ने प्रयोजनका लागि समग्र विकासको गुरु योजना बनाएर आगामी आर्थिक वर्षको नीति, कार्यक्रम बजेटमार्फत मन्त्रालयमा गुरु योजना पेश गर्न अनुरोध गरेको छ।