बडीमालिका ७ मा एक दिने नि:शुल्क पशु स्वास्थ शिविर

बाजुरा: जिल्लाकाे बडीमालिका नगरपालिका वडा नम्बर ७ ढम्कनेमा १ दिने नि:शुल्क पशु स्वास्थ शिविर सञ्चालन गरिएको छ । बुधबार एक कार्यक्रम बिच एक दिने नि:शुल्क पशु स्वास्थ शिविर सञ्चालन गरि सम्पन्न गरिएको छ ।

भेटेरीनरी तथा पशु सेवा विज्ञ केन्द्र बाजुराकाे बार्षिक स्वीकृत कार्यक्रम अनुसार बडीमालिका नगरपालिका वडा नम्बर ७ र बडिमालिका पशु सेवा शाखाकाे साझेदारीमा १ दिने नि:शुल्क पशु स्वास्थ शिविर सञ्चालन गरिएकाे बडीमालिका पशु सेवा शाखाले जनाएको छ ।

उक्त शिविरमा कार्यक्रममा १९१ जना स्थानीयका करिब ४ हजार बढि गाई ,गाेरु, भैंसी,भेडा बाख्रा,कुकुर ,कुखुरा लगायतकाे उपचार गरिएकाे हाे।तीन हजार २० भेडा,३६ वटा भैंसी,१५८ गाई,२०७ गाेरु,५३२ बाख्रा,२७ कुखुरा र २९ ककुरकाे उपचार गरिएकाे बताईएकाे छ  ।

नि:शुल्क पशु स्वास्थ्य शिविर उपलब्धि पूर्वक सम्पन्न भएको कार्यक्रमका प्रमुख अतिथि बडीमालिका ७ का अध्यक्ष धर्मराज पाध्याले बताए ।साथै शिविर सफल बनाउन अहम भूमिका निर्वाह गर्नु हुने सम्पूर्ण प्राविधिक टिम र विज्ञ केन्द्रलाई पाध्यायले धन्यवाद समेत दिए।

वडामा रहेका स्थानीयका गाईवस्तु,भेडाबाख्रा ,भैंसी ,लगायतका जिवजन्तुलाई कुनै सङ्क्रमणले आक्रमण नगराेस्,भन्ने उदेश्यका साथ जिवजन्तुकाे नि:शुल्क स्वास्थ चेकजाँच,भ्याक्सिन र औषधी वितरण गरिएको भेटेरीनरी अस्पताल तथा पशु सेवा विज्ञ केन्द्र बाजुराले जनाएको छ ।

पछिल्लो समय जिवजन्तुमा बढ्दाे महामारी बढ्दै गएकाे जिवजन्तु एकाएक बिरामी हुने,दानापानी नखाने,र्याल निकाल्ने जस्ता लक्षण देखा पर्दै जानाले त्यसकाे नियन्त्रण गर्न तथा जिवजन्तुहरुकाे स्वास्थ उपचार गर्न आवश्यक रहेकाे हुँदा यस्ता स्वास्थ उपचारमा जाेड दिन आवश्यक रहेकाे कार्यक्रममा बाेल्ने बक्ताहरुले बताएका थिए ।

भेटेरीनरी अस्पताल तथा पशु सेवा विज्ञ केन्द्र बाजुराका प्रमुख सिद्धराज जैशीकाे अध्यक्षतामा सञ्चालन भएको १ दिने नि:शुल्क पशु स्वास्थ शिविर कार्यक्रमकाे प्रमुख अतिथि बडीमालिका नगरपालिकाका नगर प्रवक्ता तथा वडीमालिका ७ का वडा अध्यक्ष धर्मराज पाध्याय रहनु भएको थियाे। कार्यक्रम वडा सदस्य लाकेन्द्र राेकाया, विभिन्न पाटीका प्रतिनिधि टाेल समिका संयाेजक लगायत वडा बासिकाे उपस्थिति रहेकाे थियाे ।उक्त शिविरमा १० जना पशु प्राविधिककाे टाेलीले सेवा दिएका थिए ।