बुढिनन्दामा एक घरमा आगलागी,लाखौंकाे क्षती

बाजुरा: बुढीनन्दा नगरपालिकाको एक घरमा आगलागि भएको छ ।शनिबार साेही नगरपालिका-८ गोठीका स्थानीय गोरख बोहराको घरमा विद्युतको तार सट भई तीन तले घर जलेर नष्ट भएको हाे।

आज विहान ५ः०० बजेतिर उक्त घरमा आगलागी भएको हो । आगलागिबाट  अन्न, लत्ता कपडा, भाडाकुँडा नगद र सुन चादी जलेर नष्ट भएको बताईएकाे छ ।

आगलागीबाट गोठमा रहेका एक हल गोरु र एक बाख्रा समेत जलेर मरेको र एक गाेरु घाईते भएको जिल्ला प्रहरी कार्यालय बाजुराका प्रहरी निरिक्षक देव चौधरीले बताएका छन्।

आगलागिबाट घरमा रहेकोे एक लाख ५० हजार नगद , २१ तोला चाँदी, ४ तोला सुन, लत्ताकपडा, खाद्यान्न गरी अनुमानित करिब दश लाख बराबरको क्षती भएको बताइएको छ ।आगलागिबाट भएको घटनाको थप अनुसन्धान भइरहेको प्रहरीले जनाएको छ ।