‘ग्रीन गार्डेनकाे’ रुपमा प्रशासन बाजुरा

खप्तड मालिका न्युज, बाजुरा: जिल्ला अस्पताल बाजुरा जस्तैः ‘ग्रीन गार्डेन’काे रुपमा जिल्ला प्रशासन कार्यालय बाजुरा पनि बन्दै गएकाे छ। प्रशासन कार्यालय बाजुरालाई स्वच्छ,सफा तथा सुन्दर वातावरणमा सजाउँन पछिल्लो समय प्रशासन कार्यालय परिसरमा बाेट-विरुवा राेपण कार्य भईरहेकाे प्रमुख जिल्ला अधिकारी मेघनाथ पाध्यायले बताए ।

उहाँले भन्नुभयाे,‘ प्रशासन कार्यालय बाजुरालाई सुन्दर तथा स्वच्छ वातावरणमा सजाउन विभिन्न बाेट-विरुवाकाे बृक्षराेपण गरिएको छ’।कार्यालययमा सेवा लिन आउँने सेवाग्राहीलाई स्वच्छ वातावरणमा रमाउने उदेश्यका साथ ‘ग्रीन गार्डेन’काे रुपमा प्रशासनलाई बदल्ने काम भईरहेकाे उहाँले बताउनुभयाे।

कार्यालय परिसरमा अहिले विभिन्न खाले फूलहरुका विरुवाहरु रोपिएका छन् ।फुलले प्राकृतिक वातावरणलाई हसाउने र आफैमा मुस्कान दिने हुँदा विभिन्न खाले फुलका बिरुवा राेप्ने कार्य भएकाे प्रशासन बाजुराले जनाएको छ। रङ्गीबिरुङ्गी फुलहरु राेपरे प्रशासनकाे वातावरण सफा स्वच्छ रहने अपेक्षा प्रशासन बाजुराकाे रहेकाे छ ।

विरुवा राेपणकाे स्थलको विशेषताहरू र वृक्षरोपणको मौसमको आधारमा  पानी र सिँचाइ सुविधा उपलब्ध हुनुपर्ने,नियमित पानी हाल्नु पर्ने,वृक्षरोपण स्थल चरन बाट जोगाउनुपर्ने,नियमित रूपमा गोडमेल गरिनु लगायत कार्य गरेकाे खण्डमा बाेट-विरुवाकाे उचित संरक्षण तथा रेखदेख गर्न सकिने कुरामा प्रजिअ पाध्यायले जाेड दिनुभयाे।प्रशासनलाई हेर्दा पनि चिटिक्क र मनाेरम दृश्यमा बदल्न यहाँको परिसरमा बिभिन्न खाले फुलहरुका बिरुवा राेपिएकाे जसले गर्दा प्रशासनकाे वातावरण प्रतिकुल तथा सन्तुलन रहने उहाँले बताउनुभयाे।

प्रशासनबाट हुने सेवा प्रवाहसँगै प्रशासन परिसरलाई सौन्दर्यता बनाउन विभिन्न बोटविरुवाहरु रोपिएको प्रशासन बाजुराका कम्प्युटर अपरेटर नैन रावलले बताउनुभयाे ।उनले भने,बिरुवा वृक्षराेपणबाट सेवा लिनका लागि प्रशासनमा आउने सेवाग्राहीलाई बाह्य वातावरण अवलोकन गरेर नै आनन्दीत तुल्याउने विश्वास व्यक्त गरिएको बताए ।

पछिल्लो समय जिल्ला स्थिति सरकारी तथा गैर-सरकारी कार्यालयहरुमा बिरुवा वृक्षराेपणकाे कार्य थालिएकाे छ । कार्यालयकाे परिसर सफा,स्वच्छ तथा साैन्दर्यतामा बदल्न यहाँका कार्यालयहरुले वृक्षराेपण कार्य गरिरहेका छन्। जिल्ला अस्पताल बाजुराबाट सुरुवात गरिएको याे अभियान अहिले अन्य कार्यालयहरुले पनि सिकाे गर्दै गएका छन्।