ओठ तथा तालु फाटेका बिरामीहरुको लागी नि:शुल्क प्लास्टिक सर्जरी छनोट शिविर सञ्चालन हुने

बाजुरा-  बाजुरामा ओठ तथा तालु फाटेका बिरामीहरुको लागी नि:शुल्क प्लास्टिक सर्जरी शिविर सञ्चालन हुने भएको छ। वि.एण्ड .वि अस्पतालको आयोजना,स्वास्थ्य कार्यालय बाजुराको समन्वय तथा अपाङ्ग कल्याण सेवा संघ बाजुराको स्थानीय आयोजनामा शिविर सञ्चालन हुने भएको हो।

शिविरमा जन्मिदै ओठ तथा तालु जिब्रो भन्दा माथी फाटेको साथै पहिले अप्रेसन भईसकेको तर ओठ,नाक नमिलेको गिजा,तालुमा प्वाल भएका बिरामीहरुको लागी नि:शुल्क प्लास्टिक सर्जरी  शल्यक्रिया सेवाको लागी छनोट शिविर सञ्चालन हुने भएको हो।

शिविर कोल्टी आधारभुत अस्पताल कोल्टी,जिल्ला अस्पताल मार्तडी र बाजुरा स्वास्थ चौकी टाँटेमा सञ्चालन हुने भएको छ । कोल्टीमा वैशाख १८ गते विहिबार,जिल्ला अस्पताल मार्तडीमा १९ गते शुक्रबार र टाँटेमा २० गते शनिवार उक्त शिविर सञ्चालन हुने छ ।

शिविर विहान १० बजेदेखि अपराह्न ४ बजेसम्म सञ्चालन हुने आयोजक वि.एण्ड.वि अस्पतालले जनाएको छ। साथै शिविरबाट छनोट भएका बिरामीहरुलाई शल्यक्रियाको लागी सोही दिन काठमाडौं लगिने र विरामी तथा एक जना कुरुवालाई आउँने जाने गाडी भाडा,बस्ने खाने र नि:शुल्क शल्यक्रियाको व्यवस्था रहेको छ ।

स्वास्थ्य कार्यालय बाजुराको समन्वय,अपांग कल्याण सेवा संघ बाजुराको स्थानीय आयोजना तथा बि.एण्ड.बि अस्पताल प्लास्टिक ओरल एण्ड क्रेनिओ मेक्जिलो फेसियल सर्जरी प्रा.ली को आयोजनामा शिविर सञ्चालन हुने भएको छ ।

थप जानकारीको लागी प्रा.ली.को टेलिफोन नम्बर ०१-५००७६६३ र कार्यक्रम संयोजक शङ्कर विकको मोबाईल नम्बर ९८४८६४५६३१ मा सम्पर्क गर्न आग्रह गरिएको छ ।