दिउँसो ३ बजेदेखि साँझ ७ बजेसम्म विद्युतीय लाइन बन्द रहने

बाजुराः  सदरमुकाम मार्तडीमा दिउँसो ३ बजेदेखि साँझ ७ बजेसम्म विद्युतीय लाइन बन्द रहने भएको छ । नेपाल विद्युत प्राधिकरण बाजुरा वितरण केन्द्रले एक सूचना जारी गर्दै मार्तडी बजार क्षेत्रमा विद्युत सेवा अवरुद्ध हुने जनाएको छ ।

चैत्र १५ गतेसम्म दिउँसो ३ बजेदेखि साँझ ७ बजेसम्म विद्युतीय लाइन बन्द रहने नेपाल विद्युत प्राधिकरण बाजुरा वितरण केन्द्रले जनाएको छ । मार्तडी बजार क्षेत्रमा ११ केभि को पुरानो लाइनलाई नयाँ लाइनमा विस्थापन गर्नुपर्ने भएकाले सो दिनसम्म विद्युत सेवा अवरुद्ध हुने सूचनामा उल्लेख छ । मार्तडी बजार स्थित कारागार देखि बजार क्षेत्र हुदैँ बाजुरा क्याम्पससम्म विद्युत लाइन बन्द हुने भएको हाे ।