एमाले बुढीनन्दा १० नम्बर वडा कमिटीको दोस्रो अधिवेशन चैत्र ९ गते हुने

बाजुराः नेपाल कम्युनिष्ट पार्टी एमाले बुढीनन्दा नगरपालिका १० नम्बर वडा कमिटीको दोस्रो अधिवेशन यहि चैत्र ९ गते हुने भएको छ । वडा कमिटीको दोस्रो अधिबेशनको उद्धघाटन नेकपा एमाले केन्द्रिय सदस्य तथा बाजुरा जिल्ला ईन्चार्ज लाल बहादुर थापाले गर्ने भएका छन् ।

चैत्र ९ गते पाण्डुसैनमा बिभिन्न कार्यक्रमका साथ वडा कमिटीको दोस्रो अधिबेशन भब्य रुपमा हुने भएकोले वडाबासी सम्पुर्णको उपस्थितको लागी आग्रह गरिएको छ । वडा कमिटीको दोस्रो अधिबेशनमा बिभिन्न झाँकी प्रर्दशन,महिला देउडा,भोटे सेलो,पार्टी संगठन निमार्णमा सहयोग गर्ने ब्यक्तित्वहरुलाई सम्मान लगायतका कार्यक्रम गरिने एमाले बुढीनन्दा १० नम्बर वडा कमिटीले जनाएको छ ।

नेकपा एमालेले देशै भरि मिसन ८४ जरा केन्द्रित अभियान सञ्चालन गरे संगै बाजुरामा पनि एमालेले मिसन ८४ जरा केन्द्रित अभियानलाई सार्थक बनाउन जिल्लाका ९ वटै स्थानीय तहहरुमा धमाधम अधिबेशन संगै नयाँ नेतृत्व चयन कार्य थालेको हो । पार्टीलाई थप शसक्त,र चलायमान बनाउन एमाले बाजुराले सबै वडामा अधिबेशन संगै बिभिन्न कार्यक्रमहरु थालेको हो ।