कुसुम कान्छोका बाजुरेली (खस) भाषाका पाँच मुक्तक

बाजुरेली (खस भाषाका)पाँच मुक्तक

१ः
तुकन चिटिक्क सुहाउन्या टाला किन्दीउला
हातउडा लाउन्या सुनका बाला किन्दीउला
तु एकै चिज कहिल्यै राम्डा मान्दिनै त्यसैले,
कहिल्यै सुकिला कहिल्यै काला किन्दीउला।।
२ः
बाहिर सर्याकी बेला भित्र नआयाई छाउ मान्दा छन्
घरउडाको गोरस-पारस नखायाई छाउ मान्दा छन्
सहरका जसो घरउडो सोच्या जसो हुदैन बुझिराख,
चुला ,चौका,पुन्यारा पन नझायाई छाउ मान्दा छन्।।

३ः
अब छाट्टाई आईजाला क्यान झर्को मान्दि
चोखो मुया लाईजाला क्यान झर्को मान्दि
अरुले दियाको नखाला बरु डाहा मान्याले,
तेराई हातको खाईजाला क्यान झर्को मान्दि ।।

४ः
यहि बसि साथै रमाउली तुमि मेरा घर आया
पल्ला गाउँ जन्त जाउली तुमि मेरा घर आया
मु एक्लाईले खान लाग्या गलाउदो झादईन,
संगै बसी मजाले खाउली तुमि मेरा घर आया।।
५ः
हडउदा लायाका टाला अच्चमै राम्डा
हाल्याका हातका बाला अच्चमै राम्डा
गाँजल लायाका आँखा त त्यसाई हुन्,
अझ स्याउ जसा गाला अच्चमै राम्डा।।

मुक्तककारः गोबिन्द्र राज तिमिल्सेना (कुसुम कान्छो)
बडीमालिका नगरपालिका ७,रजातोली,बाजुरा