बुढीनन्दा नगरपालिकाद्धारा घुम्ती पशु स्वास्थ्य शिविर

बाजुराः जिल्लाको पुर्वि उत्तरी क्षेत्रमा रहेको बुढीनन्दा नगरपालिकाले घुम्ती पशु स्वास्थ्य शिविर कार्यक्रम सञ्चालन गरेको छ । केही दिनयता बुढीनन्दा नगरपालिका लगायत अछाम, डोटी र बाजुराको तल्लो क्षेत्रमा भेडा बाख्रा चरि-चरनका लागि विशेष गरि वलिगाँउ मगलसेन,मेल्लेख,सिगाडा,काँडा,बाब्ला,सरानी,मार्कु,चौखुट्टे,विरखम्म,त्रिवेणी लगायत ठाँउमा बसोबास गरिरहेका भोटे-जनजातिका भेडाबाख्रा एका एक एक प्रकारको संक्रमक रोग लागेर भेडा बाख्रा मर्न थालेपछि बुढीनन्दा नगरपालिकाले घुम्ती पशु स्वास्थ्य शिविर सञ्चालन गरेको हो ।

संक्रामण रोगबाट पशुलाई बचाउनको लागी शिविर सञ्चालन गरिएकोनगरपालिकाले जनाएको छ । पालिकाका अनुसार आज सम्म ३५० भन्दा भेडा बाख्रा मरेको र करिब ८ हजार भन्दा बढी भेडाबाख्रामा हाल सम्म २००० जति विरामी रहेको र १००० भन्दा बढीको उपचार भैसकेको नगरपालिकाले जनाएको छ । बुढीनन्दा नगरपालिकाले पशु चिकित्सक र ओेषधि सहितको टिम उक्त क्षेत्रमा परिचालन गरिरहेको छ ।तर अझैं स्थिति लाई नियन्त्रणमा लिन सकिएको छैन। यस सम्बन्धि जिल्ला पशु स्वास्थ्य कार्यालय लगायत अन्य निकायमा जानकारी गराउदा पनि औषधी सहितको पशु चिकित्सक टोलि  नखटाइएको बुढीनन्दा नगरपालिकाका प्रमुख बोहराले बताए ।

संक्रमण रोगबाट भेडा बाख्रा मर्न थालेपछी नगरपालिकाका प्रमुख बोहराले पशु स्वास्थ्य,स्वास्थ्य कार्यालयको ध्यानाकर्षण गराएका छन् ।संक्रमण भएका ठाँउका स्थानिय सरकार लगायत सहयोगी संघ संस्था लाई सहयोगको लागि अपिल समेत गरेका छन् । साथै बुढीनन्दा नगरपालिकाको प्रतिनिधित्व गर्दै रातदिन खाई नखाई गरीब जनताका भेडाबाख्रा बचाउन खट्नुहुने पशु चिकित्सक डा.पदम पाण्डे,प्रा.स विनोद बोहरा, कोल्टी अस्पताल ब्यबस्थापन समिति सदस्य प्रेम थापा भोटे, रामचन्द्र बोहरा लगायतको टोलीलाई बोहराले हार्दिक धन्यबाद समेत दिएका छन् ।