नेपाली काँग्रेसका नविकरण र नयाँ क्रियाशिल सदस्यता कार्ड वितरण सुरु

बाजुरा : नेपाली काँग्रेस बाजुरा द्धारा नयाँ र नविकरण क्रियाशिल सदस्यता कार्ड वितरण सुरु गरिएको छ । शनिवार एक औपचारिक कार्यक्रमका विच बडीमालिका नगरपालिका नेपाली काँग्रेस एक नम्वर वडा कार्य समिति द्धारा नविकरण र नयाँ कार्ड वितरण कार्य सुरु गरिएको हो । नेपाली काँग्रेसमा वास्तावान विगत देखी नेपाली काँग्रेस कठिबद्ध भइलागीरहेका नेपाली काँग्रेस केन्द्रिय कार्य समितिले नामावली स्वीकृत गरी क्रियाशिल कार्ड सहित प्रमाणित गरी पठाइसके पछि जिल्लाको बडिमालिका नगरपालिका वडा नं.१ बाट नै वितरण गर्न सुरु गरिएको नेपाली काँग्रेस एक नम्वर वडा कार्यसमिति कार्यवाहक सभापती कृष्ण बहादुर कार्कीले बताएका छन ।

शनिवार नेपाली काँग्रेस एक नम्वर वडा कार्यसमितिको आयोजनमा एक औपचारीक कार्यक्रम गरी नेपाली काँग्रेस बाजुराका पुर्व पार्टी सभापती कविराज पण्डितको प्रमुख आतिथ्यतामा क्रियाशिल कार्ड वितरण कार्य सुरु गरिएको कार्यवाहक सभापति कार्कीले बताएका छन । बाजुरा जिल्ला भरका नयाँ र नविकरण क्रियाशिल सदस्यता कार्ड केन्द्रिय समितिबाट स्वीकृत भइ सकेको र शनिवारबाट नै नविकरण कार्ड वितरण गर्न सूरु गरिएको हो । नेपाली काँग्रेस वडा नम्बर एकका कार्यवाहक वडा सभापति कृष्ण बहादुर कार्कीको अध्यक्षमा संचालन भएको क्रियाशिल कार्ड वितरण कार्यक्रममा नेपाली काँग्रेस पुर्व पार्टी सभापति कविराज पण्डित प्रमुख अतिथि रहनुभएको थिए भने नेपाली काँग्रेस जिल्ला कार्य समिति सदस्य कृष्णराज उपाध्याय, राम बहादुर कार्की ,कृष्ण बहादुर कार्की विशिष्ट अतिथि रहनु भएको थियो भने बडीमालिका नगर कार्यसमिति सह सचिब लाल बहादुर हमाल लगायत अतिथि रहनु भएको थियो । उक्त कार्यक्रममा नेपाली काँग्रेस पुर्वपार्टी पार्टी सभापति कविराज पण्डितले टोल टोलका सभापतिहरुलाई अबको काँग्रेसका क्रियाशिल सदस्यता बढाउने तथा घटाउने जिम्मा र पार्टी जनस्तरबाट नै सुदृढ बनाउने काम तपाइहरुको रहेको बताएका छन ।

क्रियाशिल कार्ड टोल सभापतिलाइ हस्तान्त्रण गरी सो कुरा बताएका हुन । जुन नेपाली काँग्रेसका चार तारामा रही चारै दिशा जो जहाँ भए पनि नेपाली काँग्रेसमा अटल भइरहन र सुदृढ पार्टी बनाउन सबैको हात रहेको सहभागी अतिथिहरुको भनाइ रहेको थियो । यसरी निरन्तर रुपमा अरु वडाहरुमा पनि क्रियाशिल कार्ड वितरण गरिने बताएको छ । नेपाली काँग्रेस एक वडा कार्य समिति द्धारा आयोजना गरिएको उक्त क्रियाशिल सदस्यता कार्ड वितरण कार्यक्रममा वडा समितिका पदाधीकारी , जिल्ल कार्यसमिति पदाधीकारी तथा नेपाली काग्रेसमा आस्थावान नेता तथा कार्यकताहरुको सहभागीता रहेको थियो ।