कर्मचारी युनियन बाजुराले गर्यो बिरामीलाई फलफुल बितरण

जनक बोहरा,भाद्र १९,बाजुराः  नेपाल कर्मचारी युनियन बाजुराले आफ्नो १९ औँ स्थापना दिवसको अवसरमा जिल्ला अस्पताल बाजुरामा रहेका विरामीहरुलाई फलफुल वितरण गरेको छ।कर्मचारी युनियन बाजुराले अस्पतालमा उपचाररत रहेका बिरामीहरुलाई फलफुल वितरण गरेर आफ्नो स्थापना दिवस मनाएको हो
।
एक औपचारिक कार्यक्रमको आयोजना गरि अस्पतालमा रहेका बिरामीहरुलाई फलफुल वितरण गरिएको कर्मचारी युनियन बाजुराका उपाध्यक्ष ईश्वरी कार्किले बताएकी छन् ।बिरामीहरुको स्वास्थ्य लाभको कामना सहित बिरामीलाई हौसला प्रदान गर्नको लागी फलफुल वितरण गरिएको उनले जानकारी दिएकी छन् । जिल्ला अस्पताल बाजुरामा उपचाररत करिब २६ जना भन्दा बढि बिरामीलाई फलफुल वितरण गरिएको उनले बताईन् ।

फलफुल वितरण कार्यक्रममा नेपाली काँग्रेस बाजुरा सभापति रामसिंह रावल,नेपाली काँग्रेस बडीमालिका नगर सभापती गोपाल कार्की, नेपाली काँग्रेस जिल्ला कार्य समिति सदस्य देव रोकाया,नेपाली काँग्रेस बडिमालिका ८ वडा सभापती विरबहादुर थापा, आर्सि मेडिकल हलका सञ्चालक रामचन्द्र यादव,बडिमालिका नगरपालिका ७ कि वडा सदस्य पार्वती जोशी (हमाल), नेपाल विद्यार्थी संघ केन्द्रिय सदस्य भरत बुढा, नेविसंघ बाजुराका अध्यक्ष जनक थापा लगायत भातृ एवम् शुभेच्छुक संस्थाका प्रतिनिधी,पत्रकारको सहभागिता रहेको थियो ।