बाजुरामा “न्यू मिसन”राष्ट्रिय दैनिक पत्रिकाको विमोचन

खप्तड मालिका न्युज,भाद्र १६,बाजुराः बाजुरामा “न्यू मिसन”राष्ट्रिय दैनिक पत्रिकाको विमोचन गरीएको छ । आइतबार एक कार्यक्रमका बिच बडिमालिका नगरपालिकाको सभाहलमा उक्त पत्रिकाको बिमोचन कार्यकम्रम गरीएको हो । जिल्लामा अब न्यू मिसन दैनिकका नाममा पत्रिका प्रकाशन हुने भएको छ । पत्रिकाको जिल्ला समन्वय समिति प्रमुख तुलसीराम रोकाया सहीतका जिल्ला स्थित दलका नेताहरुले विमोचन गरेका हुन् ।

पत्रिकाको समन्वय समिति प्रमुख तुलसीराम रोकाया, बडीमालिका नगर प्रमुख अमर खड्का, नेपाली काँग्रेस सभापति रामसिंह रावल, नेकपा एमाले अध्यक्ष लालबहादुर ओली, नेकपा एकीकृत समाजवादीका अध्यक्ष पुरबहादुर रावत, एमाले सचिव काशी विक, बडीमालिका नगरपालिकाका प्रमुख प्रशासकीय अधिकृत बमबहादुर केसी, उद्योग वाणिज्य संघका अध्यक्ष देवबहादुर रोकायाले सयूक्त रुपमा विमोचन गरेका हुन् ।

सदरमुकाम मार्तडीबाट अब नियमित प्रकाशन गर्ने गरि पत्रिकाको विमोचन गरिएको “न्यू मिसन”राष्ट्रिय दैनिक पत्रिकाका प्रकाशक धनकृष्ण विकले बताएका छन् । लामो समयदेखि पत्रकारिता क्षेत्रमा सक्रिय देखिएका विकले जिल्लामा “न्यू मिसन”राष्ट्रिय दैनिक पत्रिका सञ्चालन गरेका छन् । पत्रिकाको प्रकाशकमा धनकृष्ण विक रहेका छन् । जसबहादुर शाही सम्पादक रहेका छन् ।त्यस्तै पत्रिकको नानी भुल,सुसिला थापा सहसम्पादक रहेका छन् भने गणेश बहादुर धामी बजार ब्यबस्थापक रहेका छन्।