अस्पतालको वातावरणलाई सौन्दर्य बनाउँन यादवले गरे गमला सहयोग

भदौ १६,बाजुराः  जिल्ला सदरमुकाम मार्तडीमा लामो समयदेखि मेडिकल सञ्चालन गर्दै आईरहेका आर्सी मेडिकल हलका संचालक रामचन्द्र यादवले जिल्ला अस्पताल बाजुरालाई गमला सहयोग गरेका छन् । अस्पताल बाजुराको वातावरणलाई स्वच्छ,सफा र सौन्दर्य बनाउँनको लागी यादवले उक्त गमला सहयोग गरेका हुन् । यादवले आफ्नै अािर्थक सहयोगमा १०० वटा गमला अस्पताल प्रमुख समिता पुन,सुचना अधिकारी नृपराज गिरीको हातमाहस्तान्तरण गरेका हुन् । जिल्ला अस्पताल बाजुरामै काम गरेर जागिरको अवकास पाएका यादवले भख्खरै निमार्ण सम्पन्न भएको अस्पतालको प्रशासनिक भवनको सौर्दयता बढाउँन र अस्पताललाई थप ब्यबस्थित तथा राम्रो देख्नको लागी गमला सहयोग गरेको यादवले बताएका छन् ।

आइतबार एक कार्यक्रमका बिच यादवले उक्त गमलाहरु जिल्ला अस्पताल बाजुरालाई हस्तान्नत्रण गर्नुभएको हो ।जिल्ला अस्पताल बाजुरालाई थप ब्यवस्थित, यहाँको वातावरण हराबरा र सुन्दर बनाउन आबश्यक रहेको देख्दा आफुले मनन गरेर गमला सहयोग गरेको यादवले बताएका छन् । पहिला आफुले सोहि अस्पतालमा काम गर्ने बेला टिनको बाकस बनाएर गमला रोपिन्थ्यो,तर अहिले अस्पतालको भौतिक संरचना पनि राम्रो बनेकोले गुणस्तरीय गमला रोप्नु राम्रो हुने देखिएकोले गमला सहयोग गरेको बताएका छन् । अस्पताल भित्रको वातावरणलाई सुन्दर बनाउन यादवले जिल्लामै पहिलो पटक अस्पताललाई गमला सहयोगको सुरुवात गरेका हुन् ।

गमला हस्तान्त्रण कार्यक्रममा नेपाली काँग्रेस जिल्ला कार्यसमिती बाजुराका पार्टी सभापती रामसिंह रावल,उपसभापती पदम बडुवाल,जिल्ला समन्व्य समिती प्रमुख तुलसीराम रोकाया,नेपाली काँग्रेस वडा नम्बर ८ का सभापती विरबहादुर थापा,जिल्ला अस्पताल बाजुराका प्रमुख डाक्टर समिता पुन,अस्पताल बाजुराका सुचना अधिकारी निर्पराज गिरी लगायत पत्रकारको सहभागिता रहेको थियो ।