बडिमालिका दर्शनको लागी गएकी ६३ बर्षिया बृद्धाको हेलिकप्टर मार्फत उद्धार

बाजुराः धार्मिक तथा पर्यटकिय स्थल बडीमालिका दर्शन गर्न गएकी एक जना बृद्धालाई लेक लागेको छ । अक्सिजनको कमीको कारणले लेक लागेर उनलाई नेपाली सेनाको हेलिकप्टर मार्फत सुर्खेत पठाइएको जिल्ला प्रहरी कार्यालय बाजुराले जनाएको छ ।

प्रहरी कार्यालय बाजुराका अनुसार अछामको चौरपाटी गाउँपालिका–५ लुङग्राकी ६३ वर्षीया वृद्धा पवना खड्कालाई अक्सिजनको अभावले लेक लागेर स्वास्थ्यमा समस्या भएपछि सुर्खेत पठाइएको जनाएको छ । भाद्र २ गते आईतबारको दिन लाग्ने बडिमालिका मेलामा दर्शनका लागि जाँदै गर्दा बीच बाटोमा लेक लागेर अक्सिजन अभाव भएपछि शनिबार दिउँसो नेपाली सेनाको हेलिकप्टर मार्फत उपचारको लागि सुर्खेत पठाइएको प्रहरी कार्यालय बाजुराले जनाएको छ ।बुद्धा पवना खड्का त्रिवेणी पाटनमा शुक्रबार राति नै बिरामी भएकी थिइन् । खड्काको अवस्था गम्भीर रहेको बताईएको छ ।