कृषकका बारीमा सरोकारवालाको अनुगमन

संगिता तिमिल्सेना ,साउन २१, बाजुराः जिल्लाको बडीमालिका नगरपालिका र बुढीगंगा नगरपालिकाका विभिन्न अगुवा कृषकका बारीमा सरोकारवालाहरुले अनुगमन गरेका छन् । कृषकले उत्पादन गरेको कृषि उपज र कृषकको हालको अवस्थाका बारेमा बुझ्न सरोकारवाला निकाय ९स्थानिय तहका जनप्रतिनिधि,जिल्ला प्रशासन कार्यालय, कृषि ज्ञानकेन्द्र, कृषि विकास शाखा, भेटेनरी तथा पशुसेवा विज्ञकेन्द्र, जिल्ला समन्वय समिति, कोष तथा लेखा नियन्त्रण कार्यालय, नेपाल पत्रकार महासंघ र कृषि पत्रकार महासंघ बाजुराको प्रतिनिधित्वमा कृषकको बारीको अनुगमन गरिएको कृषि ज्ञानकेन्द्र बाजुराका प्रमुख भुमिराज उपाध्यायले बताउनुभयो ।

व्यवसायिक रुपमा कृषि खेती गरिररहेका कृषकलाई सहयोग पुग्ने गरी कृषि ज्ञानकेन्द्र बाजुरा र स्थानिय कृषि विकास शाखाले विभिन्न क्षेत्रमा पचास प्रतिशत अनुदान दिएको हिमाल बहुउद्देश्यिय कृषि तथा पशुपन्छी फारमका संचालक बडीमालिका नगरपालिका वडा नं ८ गडखेतका अगुवा कृषक लाल बहादुर ऐडीको टमाटर खेती र अन्य तरकारी बाली, बडीमालिका नगरपलिका वडा नं ६ का अगुवा कृषक महेन्द्र दानीको च्याउ फारम लगायत अन्य तरकारी बाली, बुढीगंगा नगरपालिका वडा नं ८ मा रहेको रावल बहुउद्देश्यिय कृषि तथा पशुपन्छी फारमको फलफुल खेती, सोही वडाकै मोटाबाडा हरियाली कृषक समुहले लगाएकोे सुन्तला,कागती, आँप, लिचि लगायत अन्य फलफुल खेती र बुढीगंगा नगरपालिका वडा नं १० का अगुवा कृषक भोलाप्रसाद जोशीले लगाएका १४ सय बोट ड्रागन फल खेतीको अवलोकन गरिएको हो ।

कृषकका बारीमा अध्ययनरअवलोकन पछि विभिन्न फलफुल तथा कृषि खेतीमा आवश्यक देखिएको प्राविधिक सुझाव कृषकलाई प्रदान गरिएको कृषि ज्ञानकेन्द्र बाजुराले जनाएको छ ।६ रोपनीमा तरकारी खेती गरेका बडीमालिका नगरपालिका वडा. नम्बर. ८ गडखेतका अगुवा कृषक लाल बहादुर ऐडीले अहिले १२ टर्नेल ९ग्रिन हाउस० बनाएर बिशेष गरी टमाटर खेती, धनियाँ, साग, लौका, फर्सि लगायतका तरिकारी खेती गरिरहेका छन् । कृषि ज्ञान केन्द्र बाजुराको पचास प्रतिशत र आफ्नो पचास प्रतिशत लगानीमा खेती गरिररहेको उनको ६ रोपनी जग्गाको भाडा र कृषि एम्बुलेन्स मार्फत तरकारी ढुवानीमा बडीमालिका नगरपालिकाको कृषि विकास शाखाले सहयोग गरिरहेको छ । तरकारी खेतीबाट वार्षिक ८ लाख खुद नाफा कमाउने ऐडीले अहिले गिफ्ट बाजुरा र बडीमालिका नगरपालिकासंगको साझेदारीमा संचालित विद्यालय दिवा खाजा कार्यक्रमका लागि दैनिक २५ किलोग्राम तरकारी उपलब्ध गराउँदै आएका छन् जसबाट मात्रै मासिक ५६ हजार ७ सय आम्दानी गर्दै आएका छन् ।

त्यस्तै बडीमालिका नगरपालिका वडा नं ६ जडाङ्गाका अगुवा कृषक महेन्द्र दानीले बिशेष गरी च्याउ खेती गर्न थालेको ६ वर्ष भयो । उनले ६ रोपनी जग्गामा च्याउ खेती सहित तरकारी खेती गरेका छन् । जसमा पचास प्रतिशत अनुदान सहयोग गरेको छ भने पचास प्रतिशत लगानी दानी स्वयंम लगानी गरेर खेती गरेका छन् । उनले पनि वार्षिक ७ लाख बराबरको आम्दानी गर्दै आएको बताए ।

बुढीगंगा नगरपािलका वडा नं ८ मा रहेको बुढीगंगा नगरपालिका वडा नं ८ मा रहेको रावल बहुउद्देश्यिय कृषि तथा पशुपन्छी फारमको फलफुल खेतीले पनि वार्षिक मनग्गे आम्दानी गर्दै आएको पाइएको छ । भने यो वर्ष कृषि ज्ञानकेन्द्र बाजुराले मोटाबाडा हरियाली कृषक समुहलाई सुन्तला,कागती, आँप, लिचि लगायत अन्य फलफुल खेतीका लागि अनुदान सहयोग गरेको छ ।

बुढीगंगा नगरपालिका वडा नं १० का अगुवा कृषक भोलाप्रसाद जोशीले लगाएका १४ सय बोट ड्रागन फल खेतीमा पनि कृषि ज्ञान केन्द्र बाजुराको केही अनुदान सहयोग रहेको र बाँकी अगुवा कृषक जोशीले लगानी गरी १४ सय बोट ड्रागन फल एक वर्ष भित्रै फल्न सुरु गरेको पाइएको छ ।