सडकको पहिरो हटाएसंगै अबरुद्ध साँफे-मार्तडी सडक सञ्चालनमा

बाजुराः जिल्लाको सदरमुकाम मार्तडी जोड्ने साँफे- मार्तडी राजमार्गको बडिमालिका ६ नुनेपानीमा अबरुद्ध सडक पहिरो पन्छाएपछि सुचारु भएको छ । खहरे खोलामा मंगलबार राति बाढी आएपछि सडक अबरुद्ध भएको थियो। उक्त अबरुद्ध सडकको पहिरो बडमिालिकाको जेसिविले हटाएपछि सडक सञ्चालनमा आएको हो ।

जेसीबीले सडक पन्छाएपछि नियमित यातायात सेवा सुचारु भएको जिल्ला प्रहरी कार्यालय बाजुराले जनाएको छ । बर्षातको समयमा साँफे मार्तडी सडकखण्ड बेलाबेला अबरुद्ध हुदै आईरहेको छ भने यता मार्तडी कोल्टी सडकखण्डको बडिमालिका ७ जिल्लीमा अबरुद्ध सडक १ महिना बितिसक्दा पनि सञ्चालनमा आउँन सकेको छैन् ।

बाउली खोला र जिल्ली पहिरोले मार्तडी कोल्टी सडकखण्ड अबरुद्ध बनाएको छ । जसले गर्दा यातायातका साधन लगायत मानिसहरुको आवतजावतमा सास्ती भएको छ ।