खहरे खोलासंगै आएको पहिरोका कारण साँफे-मार्तडी सडकखण्ड अबरुद्ध

बाजुराः खहरे खोलासंगै आएको पहिरोका कारण साँफे मार्तडी सडकखण्ड अबरुद्ध भएको छ । रातभरको अबिरल बर्षातले गर्दा जिल्लाको बडिमालिका नगरपालिका वडा. नम्बर. ६ नुनेपानीमा खहरे खोलासंगै आएको पहिरोले साँफे- मार्तडी सडकखण्ड बिहानै देखि अबरुद्ध भएको हो । सडकको माथिबाट खहरे खोलाले गर्दा पहिरो आई सडकमा ढुंगा र लेदोले सडक अबरुद्ध भएको हो ।

वर्षातले खहरे खोला संगै आएको लेदोे सहितको पहिरोले सडक पुरेपछि सडकखण्ड अवरुद्ध भएको जिल्ला प्रहरी कार्यालय बाजुराका प्रहरी नायब उपरीक्षक दिलिप कुमार गिरीले बताएका छन। सडक अबरुद्ध हुँदा साँफे-मार्तडी सडकखण्डमा चल्ने सवारी साधानहरु अहिले ठप्प रहेको उनले बताएका छन। पहिरो पन्छाउनको लागी जेसिवि गईसकेको र केहि समय पछाडी सडकको पहिरो पन्छाएर सुचारु हुने उनले बताएका छन।