भोलिदेखि आगामी केहि दिन बर्षा कम हुदै मौषममा सुधार हुने

काठमाडौं । मौसम पूर्वानुमान महाशाखाले भोलिदेखि वर्षा कम भई मौसममा सुधार आउने जनाएको छ ।

मनसुनको न्यून चापीय रेखा दक्षिणतर्फ सर्दै गएकाले आगामी केही दिन भारी वर्षाको सम्भावना नरहेको वरिष्ठ मौसमविद् राजु प्रधानांगको भनाइ छ ।

कोशी, बागमती र गण्डकी प्रदेशका पहाडी भूभागमा हल्कादेखि मध्यम वर्षाको सम्भावना भने कायमै छ । अन्य प्रदेशको हकमा भने हल्का वर्षाको सम्भावना छ ।आज राति भने सुदूरपश्चिम प्रदेशमा मध्यमदेखि भारी वर्षाको सम्भावना रहेको मौसम पुर्वानुमान महाशाखाको अनुमान छ ।