भारी बर्षा भईरहेकाेले उच्च सतर्कता अपनाउन काँग्रेस बाजुराको अपिल

खप्तड मालिका न्युज,असार २३, बाजुरा: जिल्लामा दुई तीन दिन देखि लगातार अविरल वर्षा भइरहेकोले उच्च सतर्कता अपनाउन नेपाली काँग्रेस बाजुराले आग्रह गरेको छ ।जिल्लामा लगातार झरी परिरहेकाे हुँदा यसबाट हुने जाेखिमलाई ख्याल गरी उच्च सतर्कता अपनाउन कांग्रेस बाजुराले जिल्ला बासिहरुमा अनुराेध गरेकाे छ ।

जिल्ला सहित देशभर वर्षा भइरहेकोले बाढी पहिरो र नदीको तह बढ्दै गएकाले सावधानी अपनाउन जिल्लाका नागरिकलाई नेपाली कांग्रेस बाजुराले आग्रह गरेकाे हाे।लगातारको वर्षाका कारण जिल्लाको जनजीवन प्रभावित र आवतजावतमा कष्टकर हुदै गएकोले थप जाेखिम हुने सम्भावना रहेकाेले सबैले सचेत रहन अनुराेध गर्दैछौं नेपाली कांग्रेस बाजुराले भनेकाे छ ।

जिल्लामा अहिले निरन्तर भारी वर्षा भईरहेकाे र पछि पनि जाेखिम रहने हुदा यसबाट जाेगिन सबैले सचेत रहनुपर्ने कांग्रेस बाजुराकाे आग्रह रहेकाे छ। लगातारकाे बर्षातले खोला,नाला र नदीमा पानीको बहाव बढ्न थालेकाले नदी नजिकका बस्तीहरु बाढी र पहिरो उच्च जोखिममा रहेकोले सतर्कता अपनाउन आग्रह गरिएको छ । असहज परिस्थितिमा वर्षातका बेला र वर्षा पश्चात जोखिम रहने हुन्दा सबैमा सावधानी अपनाउन कांग्रेस सभापति रावलद्धारा हस्ताक्षरित विशेष अपिलमा भनिएको छ ।

जिल्ला बाजुरामा दुई तीन दिन देखि भारी वर्षा हुने क्रम जारी रहेकाे छ । भारी बर्षातले जिल्लाकाे जनजिवन प्रभावित बनेकाे छ भने कयौं घरबस्ति बाढि पहिराेकाे उच्च जाेखिममा परेका छन् । लगातारकाे भारी बर्षाले जिल्लाका ९ वटै पालिकाका कतिपय सडकखण्ड अबरुद्ध भएका छन् । यता बडिमालिका नगरपालिका ७ जिल्ली दानचाैरमा भारी बर्षातले असार १७ गते राति आएको पहिराेले सडक अबरुद्ध हुँदा एक साता बितिसक्दा पनि खुल्न सकेकाे छैन् । जसकाे असर यातायातका साधन र बडिमालिका ७ का स्थानिय त्यस्तै पुर्वि उत्तरी भेगमा रहेका चारवटै पालिकाका नागरिकलाई प्रभाव परेकाे छ ।