चौबिस घण्टा भन्दा बढी बितिसक्दा पनि बिद्युतिय सेवा प्रवाह हुन सकेन्

खप्तड मालिका न्युज,असार २३,बाजुराः जिल्लामा बिद्युतिय सेवा प्रवाह हुन नसक्दा समस्या भएको छ । हिजो करिब दश बजेतिर अबरुद्ध भएको बिद्युति सेवा चौबिस घण्टा भन्दा बढी बितिसक्दा पनि सुचारु नहुँदा समस्या भएको हो । अविरल वर्षाका कारण अछामको बुढाबगरमा सालको रूख ढलेर विजुलीको पोल भाँचिएपछि बाजुरामा राष्ट्रिय प्रशारण लाईनको विद्युत सेवा हिजो देखि अवरुद्ध भएको थियो भने अहिलेसम्म पनि सेवा प्रवाह हुन सकेको छैन् ।

शनिवार विहान करिब साढे दश बजेतिर राष्ट्रिय प्रशारण लाईन अन्तरगत साँफे मार्तडीको बुढाबगरमा विजुलीको पोल ढलेपछि अछामका केही स्थान र बाजुरामा विद्युत सेवा अवरुद्ध भएको हो । अबरुद्ध बिद्युत सेवा सूचारू गर्नका लागि बाजुरा र अछामबाट जनशक्ति परिचालन गरिएको भएपनि लगातारको बर्षातले गर्दा असहजता भएका कारण काम सम्पन्न हुन नसकी सेवा प्रवाह हुन सकेको छैन् ।

जिल्लामा बिद्युतिय सेवा अबरुद्ध हुँदा दैनिक कार्यालयका कामकाज लगायत सञ्चार माध्यमहरु प्रभावित बनेका छन् । हिजो बिहानै अबरुद्ध भएको बिद्युतिय सेवा अहिलेसम्म पनि सूचारु हुन नसक्दा जिल्ला सदरमुकाम लगायत राष्ट्रिय प्रशारण लाइन संग जोडिएका गाउँबस्तीहरुमा समस्या भएको छ । बिद्युत सेवा नहुँदा अहिले दिनभर जिल्ला सदरमुकाममाका सरकारी कार्यालयका कामकाज समेत प्रभावित बनेका छन् भने सञ्चार माध्यम रेडियो अनलाइनहरु लाई पनि समसइा भएको छ। बिद्युतिय सेवा नहुँदा सञ्चार माध्यम बन्द भएका छन भने अन्य सरकारी तथा गैरसरकारी कार्यालयका कामकाज समेत प्रभावित बनेका छन् ।

राष्ट्रिय प्रशारण लाइन जोडिएका ठाउँमा पनि बिद्युत सेवा अनियमित हुँदा त्यहाँका नगरिक समस्या परेका हुन् । बिद्युत सेवा अनियमित हुनु स्वभाविक हो तर पनि लामो समयसम्म बिद्युत सेवा प्रवाह नहुँदा समस्या परेको हो । हिजोआज सदरमुकाममा बिद्युत सेवा घरि आउँने घरी जाने प्रक्रिया पनि निरन्तर चलिरहेको छ तर बर्षातले हिजो अबरुद्ध भएको बिद्युत अहिलेसम्म सञ्चालन हुन सकेको छैन् । । जसको असर प्रत्यक्ष सेवाग्राहीलाई परेको छ । सदरमुकाममा रहेका कतिपय सरकारी कार्यालका कामकाज बिद्युत नहुँदा प्रभावित भएका छन् । थोरै मात्रामा सरकारी कार्यालयमा जेनेरेजरको सुबिधा भएको भएपनि जेनेरेजरको सुबिधा नभएका कार्यालयका कामकाज भने दिनभर ठप्प भएका छन् ।