बुढीनन्दा नगरपालिकामा कृषि सम्बन्धी कार्यशाला गोष्ठी सम्पन्न

सन्तोष प्रसाद जोशी/   बाजुराको बुढिनन्दा नगरपालिकामा नगर स्तरिय कृषि बिकास रणनीति तथा कार्ययोजना निर्माणका लागि सहभागीता मुलक नीति विशेषण कार्यशाला गोष्ठी सम्पन्न भएको छ । आज नगरपालिकाको आयोजना तथा काठमाण्डौं विश्व बिद्यालय र जी.आइ.जेट ग्रेप परियोजनानाको आर्थिक तथा प्राविधिक सहयोगमा कार्यशाला गोष्ठी सम्पन्न भएको हो । विगत एक बर्षदेखि बाजुराको बुढीनन्दा नगरपालिका लगायत अन्य पालिकामा कृषि क्षेत्रमा काम गर्दै आएको ग्रेप परियोजनाले नीति विश्लेषण गोष्ठी सम्पन्न गरेको जनाएको छ ।

कृषि क्षेत्रका ऐतिहासिक घटना तथा भविश्यका लक्ष्य र आकांक्षालाई चुनौती दिँदै आयोजना अगाडि बढेको छ । ऐतिहासिक कोशे ढुंगाको कानुन तथा नीति बनाई कृषि क्रान्तिमा आमूल परिवर्तन गर्नुपर्नेमा परियोजना लागि परेको जी.आइ.जेट. ग्रेप परियोजना कलस्टर व्यवस्थापक बुद्धिमल मगरातीले बताउनुभएको छ । वर्तमान अवस्थामा देशलाई आर्थिक संकट परिरहदा कृषि क्षेत्रमा लगानी गर्दा नाफा मुलक सीप आर्जन संग आर्थिक उन्नति हुने भएको भन्दै यस्ता गोष्ठीको आवश्यक रहेको उहाँले बताउनुभयो । गोष्ठीमा नगर प्रबक्ता जंगबिर रोकायाले सय प्रतिशतमा ९० प्रतिशत किसान रहेका बताउनुभयो ।

उहाँले नेपाल जस्तो कृषि प्रदान देशमा कार्ययोजना बनाउँदा जवाफदेहीता, पारर्दशिता र उपलब्धि मुलक हुनुपर्नेमा जोड दिनुभएको छ । कृषि अर्थतन्त्रको जग भएकाले रणनीति तथा तर्जुमा बनाउँदा कार्ययोजनाका आधारमा बनाईनुपर्ने बताउनुभयो । वार्षिक समिक्षाको आधारमा ग्रेप परियोजनाले कृषिलाई प्रभावकारी रुपमा अगाडी बढाउन उहाँले सुझाव पनि दिनुभयो । संघिय, प्रदेश र केन्द्र सरकारको सहयोगमा कृषि बिकास शाखाले समन्वय गरि बुढिनन्दा लागि हरियाली पर्यावरण बनाई पञ्चवर्षिय योजना बनाईनुपर्ने उहाँले बताउनुभयो । जलवायु परिवर्तनले प्रतिकुल असर पारिरहेको प्रवक्ता रोकायाको भनाइ छ । कुनै पनि मानिसले जन्मदा वित्तिकै कुनै पनि सम्पत्ति लिएर आएको हुँदैन, राजनीति र सामाजिक व्यवस्थाले निजलाई सम्पत्तिको मालिक बनाएको हुन्छ, त्यसैले नेपालमा कृषि क्रान्ति गर्नको लागि हाल विद्यमान कृषि प्रणाली र संरचनालाई पुरै बदल्नुको विकल्प नरहेको बताउनुभयो ।

कार्यक्रम नीति र संरचना भित्र रहेर कृषि क्षेत्रलाई अगाडी बढाउने कोसिश गर्यो भने राम्रो नै हुन सक्ने भएकाले राज्यले कृषिमा आमूल परिवर्तन गर्न आवश्यक रहेको उहाँले बताउनुभयो । बुढिनन्दा नगरपालिका पनि सम्भावना बोकेको पालिका भएकाले कृषिमा लगानी गर्नु फाईदा जनक हुने सहभागिले बताएकाछन् । बुढीनन्दा नगरपालिकाका नगर प्रमुख जनक कुमार बोहोराको अध्यक्षतामा सञ्चालन भएको कार्यक्रममा काठमाण्डौं विश्व विद्यालयका सहायक प्रध्यापक रोजी लामिछाने र जी.आइ.जेट. ग्रेप परियोजना कलस्टर व्यवस्थापक बुद्धिमल मगरातीले प्रशिक्षण गर्नुभएको थियो । कार्यशाला गोष्ठीमा सरोकारवाला निकायका प्रतिनिधिका विच छलफल गरीएको ग्रेप परियोजना मगरातीले बताउनुभएको छ ।