कारागार बाजुरामा इन्भटर जडान

बाजुरा /  जिल्ला कारागार मार्तडी बाजुरामा इन्वर्टर जडान गरिएको छ । जिल्लामा दैनिक विद्युत सेवा अनियमित हुदै आएकाले कारागारमा नियमित उज्यालोका लागि एक सय ६० एमपिएर क्षमताको एक ब्याट्री भएको इन्वर्टर जडान गरिएको कारागार बाजुराका प्रमुख जेलर अनिल तिवारीले बताउनुभएको छ ।

कारागारमा कैदीबन्दीहरुको सहजताका लागि न्युन क्षमताको भएपनि रातभर उज्यालो होस् भन्नका लागि कार्यालयले बजेट व्यवस्थापन गरेर इन्वर्टर जडान गरिएको उनले बताएका छन् । विद्युत सेवाको समस्यालाई मध्यनजर गरेर रातभर करागार उज्यालो बनाउनका लागि इन्वर्टर जडान भएपनि जीर्ण भवनमा क्षमता भन्दा तीन गुणा कैदी हुँदा सुरक्षामा भने चुनौती रहेको उनले बताएका छन् ।