बुढीनन्दा नगरपालिका कोल्टीमा योगा भवन निमार्ण हुने

बाजुराः जिल्लाको बुढीनन्दा नगरपालिका कोल्टीमा योगा भवन निमार्ण हुने भएको छ । सुदुरपश्चिम प्रदेश सरकारको ३० लाख लागतमा कोल्टीको आयुर्वेदको भवन नजिकै योगा भवन निमार्ण हुन लागेको बुढीनन्दा नगरपालिकाले जनाएको छ । आयुर्वेदको सरकारी जग्गामा योगा भवन निमार्ण हुने भएको छ । उक्त योगा भवनको शिलान्यास भएर आज देखि काम सञ्चालन भएको नगरपालिकाका प्रबक्ता जंगबिर रोकायायले बताउनुभएको छ ।

जिल्ला पतन्जली योग समिति बाजुराको पहलमा रकम ब्यवस्थापन भएर भवन निमार्णको कार्य अघि वढेको समितिले जनाएको छ । एक सय जना योगाअभ्सासी अट्ने गरि प्राविधिक स्टमेट अनुसारको गुणस्तरिय भवन बनाइने भएको छ । पहिलो पटक योगा भवन निमार्ण हुने हुदा योग साधक खुशि भएका छन । यस अघि भवन नहुँदा योग साधकले विभिन्न खुल्ला चौरहरुमा योगाअभ्यास गर्दै आइरहेका थिए ।

मानव स्वास्थ्यका लागि योग अपरिहार्य भएकाले भवन निमार्ण गरि योग अभ्यासलाई ब्यवस्थित बनाउनु पर्ने पतञ्जली योग समिति बाजुराका उपाध्यक्ष जनेश भण्डारीले बताएका छन् । । पछिल्लो समय यसको महत्व वढ्दै गएको र सवैले योग गर्न जरुरी रहेको समेत उहाँले बताउनुभएको छ । मानव जिवनमा योगको महत्वपुर्ण भुमिका रहेको बताउदै गुणस्तरीय योेग भवन निमार्ण गरी दिनहुँ योगाभ्यास गराइने पनि उनले बताउनुभएको छ । असार मसान्त सम्म सम्पन्न गर्ने गरि निमार्ण कार्य सञ्चालन गरीएकोछ ।