अज्ञात समूह द्वारा टावरमा ताेडफाेड

मालती घटाला,बाजुरा:  जिल्लाकाे बुढीनन्दा नगरपालिका वडा नं.७ कारकेला ढाड नाैलामा रहेको NTC 4G रिपिटर टावरमा हिजो राति अज्ञात समुह द्वारा ताेडफाेड भएको छ । हिजाे राति अज्ञात समुहले उक्त NTC काे 4G टावरमा ताेडफाेड गरी पुर्ण रुपमा क्षति गरेकाे बुढिनन्दा नगरपालिका नगर प्रमुख जनक कुमार बोहराले जानकारी दिनुभयो।

लामाे समयसम्म सेवा पाईरहेका स्थानियहरु अहिले सेवाबाट बञ्चित भएका छन् । एकाएक टावरमा अज्ञात समूह द्वारा ताेडफाेड हुँदा सेवा समेत प्रभावित बनेकाे छ । टावरमाथि ताेडफाेड भएको प्रती नगर प्रमुख बाेहराले दुख ब्यक्त गरेका छन् । राम्रो सेवा सुबिधा पाईरहेका यहाँका स्थानियले एकाएक अज्ञात समुहले टावरमा क्षति पुर्याईदिदा अहिले स्थानियहरु सेवा बाट बञ्चित हुनु परेकाे बाेहराकाे भनाई रहेकाे छ ।

यो घटना अत्यन्तै दुख लाग्दो रहेको समेत उहाँले बताउनुभयाे । करिव डेड बर्षकाे अथक प्रयास पछि बनेकाे टावरमा क्षति पुर्याउने जुनसुकै अपराधीहरुलाई कानुन सम्बत कार्वाही हुने चेतावनी समेत उहाँले दिनुभयो ।आफु विभिन्न संरचना बनाउदै गईरहेको र अरु भत्काउदै जाने विगार्दै जाने गर्दा आफुलाई अफ्ट्यारो परिस्थितिमा पार्ने गरेको बताउनुभयो । उहाले भन्नुभयो यदि म प्रति कसैकाे आक्राेस हाे भने मेराे घर भत्काईयाेस फरक पर्दैन तर सार्बजनिक सम्पत्तिको दुरुपयोग हानी नोक्सानी नगर्न हुने बताउनुभयो ।

आफू प्रती कसैकाे रिस डाहा भए स्वयम् आफुलाई भेटेर कुरा गर्नु तर यसरी जनताकाे सेवा सुबिधाकाे लागि बनाईएका संरचनामा कसैले पनि ताेडफाेड गर्न नहुने समेत उहाँले बताए । याे दुनियाँमा मानिसहरु पनि काेहि कस्ता रुप लिएर जन्मदा रहेछन् भन्दै टावर ताेडफाेड गर्ने प्रती आक्रोश पाेख्नु भएकाे छ ।हिम्मत भए मेराे सामुन्ने आएर कुरा गर्नु तर मेराे बदनाम हुने गरि कसैले पनि सार्बजनिक सम्पति माथि ताेडफाेड नगर्न आग्रह गरेका छन् । जनतालाई प्राप्त सुविधा खाेस्ने अधिकार कसैलाई नभएको र यसमा सबैकाे ध्यान जान पनि जरुरी रहेको बताउनुभयो ।टावर माथि ताेडफाेड गर्ने जाे- काेहि लाई पनि त्यतिकै नछाडिने उहाँले बताउनु भयाे ।