बुढीनन्दामा पनि चौथो नगरस्तरीय राष्ट्रपति रनिङ सिल्ड हिजोबाट सुरु

बाजुराः  बुढिनन्दा नगरपालिकामा नगर स्तरीय चौथो रास्ट्रपति रनिङ सिल्ड हिजो शुक्रबार बाट सुरूभएको छ । स्वास्थ्यका लागि खेलकुद, राष्ट्रका लागि खेलकुद , भन्ने मुल नाराका साथ हिजोबाट नगर स्तरीय चौथो राष्ट्रपति रनिङ सिल्डको उद्धघाटन गरीएको हो ।

बुढीनन्दा नगरपालिकाको आर्थिक सहयोग तथा बिद्यालयको आयोजनामा हिजोबाट नगरस्तरीय चौथो राष्ट्रपति रनिङ सिल्डको आयोजना गरीएको बुढीनन्दा नगरपालिकाले जनाएको छ । चौथो नगरस्तरीय राष्ट्रपति रनिङ सिल्ड प्रतियोगितामा ५ वटा बिध्यालय सहभागिता भएका छन् । बुढिनन्दा नगरपालिका नगर प्रमुख जनक कुमार बोहराको अध्यक्षतामा संचालन भएको कार्यक्रमको प्रमुख अथिती प्रतिनिधि सभा सदस्य दयाल बहादुर शाही रहेका थिए। भने कार्यक्रम सञ्चालन लोकराज रेग्मीले गर्नुभएको थियो ।नगरले प्रत्येक बर्ष खेलाडी प्रोत्साहनका लागि खेलकुदका गतिविधिहरू नियमित सञ्चालन गरिरहने स्मरण गराउदै यो बर्ष पनि चौथो नगर स्तरीय राष्ट्रपति रनिङ्ग सिल्डको आयोजना गरेको जंङ्गबिर रोकायाले जानकारी दिनुभएको छ ।