आगलागीबाट करिब १४ लाख बढीको क्षति

बाजुरा । बाजुरामा दुई घरमा भएको आगलागीबाट करिब १४ लाख बढिको क्षती भएको छ। जिल्ला प्रहरी कार्यालय बाजुराका अनुसार बडीमालिका नगरपालिका ८ रापकमा सोमबार दिउँसो १ बजेर ३५ मिनेटमा आगलागी भएको बताइएको छ। आगलागिबाट हुँदा दुई घर जलेर नष्ट भएको जिल्ला प्रहरी कार्यालय बाजुराले जनाएको छ ।सोही नगरपालिका ८ रापकका भरतबहादुर रावल र बीरबहादुर रावलको घरमा विद्युतको तार सट भई आगलागि भएको जिल्ला प्रहरी कार्यालय बाजुराका प्रहरी निरिक्षक दानसिंह भण्डारीले जानकारी दिनु भएको छ। सोमबार दिउँसो आगलागि भएको खवर प्रहरीलाई गरेपछि नेपाली सेना,नेपाल प्रहरी र सशस्त्र प्रहरी बल तथा स्थानीयको सक्रियतामा आगो नियन्त्रणमा लिइएको हो ।

जिल्ला प्रहरी कार्यालय बाजुराका प्रहरी प्रमुख कविन्द्र सिंह बोहराले दिएको जानकारी अनुसार आगलागीबाट करिव १४ लाख बढीको क्षती भएको प्रहरीको प्रारम्भिक अनुसन्धान रहेको बताइएको छ। एकिन विवरण भने अझै आउन सकेको छैन । दिउँसोको समयमा भएकाले मानविय क्षती भने नभएको जिल्ला प्रहरी कार्यालय बाजुराका प्रहरी प्रमुख कविन्द्र सिंह बोहराले बताउनु भएको छ। विद्युतको तार सट भएपछि आगलागी भएको हो । आगलागिबाट अन्नपात लुगाकपडा लगायत अन्य सामाग्री जलेर नष्ट भएका छन ।