भुक्तोलीमा लाग्यो दिँउसो मेला, खुला देउडा प्रतियोगिता सम्पन्न

बाजुराः  यस अघि राती मेला लाग्ने गरेको भुक्तोलीमा यो वर्ष भने दिउँसो पनि मेला लागेकाे छ  । पुरातात्विक महत्व बोकेको बार्जुकोट दरबारको पहिचान र संरक्षणका लागि लगाइदै आएको बार्जुकोट पुजा यो वर्षबाट व्यवस्थित बनाउन यस्तो योजना बनाएको हो । तत्कालिन बाइसे चौविसे राज्य भएका बेला बार्जुकोट दरबारका राजाले चलाएको पुजा पछिल्लो समयमा लोप हुँदै गएपछि बुढीगंगा नगरपालिका वडा नम्बर ४ को कार्यालयले यो बर्षबाट व्यवस्थित गर्न यो पहिलो प्रयास थालेको हो ।वडा कार्यालयको संयोजन र नगरपालिकाको सहयोगमा दिँउसो खुला देउडा प्रतियोगिता गरिएको बुढीगंगा नगरपालिका ४ का वडाध्यक्ष मीनबहादुर शाहले जानकारी दिनु भएको छ। पछिल्लो करिव एक दशकपछि भुक्तोली राम(जात्रा) को पहिचान लोप हुँदै गएको र युवा पुस्ताहरुले त्यसमा चासो नदेखाएपछि वडा कार्यालयको संयोजनमा खुला देउडा प्रतियोगिताको आयोजना गरिएको हो । वडाले आयोजना गरेको देउडा खेलमा जिल्लाका चर्चित लाइभ देउडा खेलाडी राजु बुढा (राइकला) र स्थानीय देउडा खेलाडी बीचको घम्साघम्सी देउडा खेल भएको थियो। परापुर्वक देखि चल्दै आएको भुक्तोली मेला युवा पिढींको चासो नदेखाएको र त्यसको महिमा र पहिचानसंगै संरक्षण गर्नका लागि देउडा खेल गर्न लागिएको वडा अध्यक्ष मीन बहादुर शाहले बताउनुभयो ।

जिल्लाका प्रत्येक नगरपालिका र गाउँपालिकाका जनप्रतिनिधीहरुले कला साहित्य, गाउँका विभिन्न मेला पर्वको संरक्षणका लागि आवश्यक बजेटको व्यवस्था गर्नुपर्ने आवाज समेत नागरिक अगुवाका तर्फबाट मात्रै नभई जनस्तरबाट उठ्ने गरेका छन् । बार्जुकोटको दशैको निरन्तरताका लागि भने बुढीगंगा नगर सरकार पनि सकारात्मक देखिएको छ । भुक्तोली मेला व्यवस्थापनका लागि नगरपालिकाको तर्फबाट आवश्यक लगामनी गर्न तयार रहेका नजगर प्रभक्ता हेमराज जैशीले बताउनु भएको छ । बार्जुकोटको दशैँ र भुक्तोली मेलालाई थप व्यवस्थित गर्दै लैजाने उहाँको भनाई छ ।स्थानीय सरकारको यो पहिलो प्रयासले बार्जुंकोटको दशैँ भुक्तोली मेलाको संरक्षणमा ठुलो टेवा पुग्ने स्थानीय निरोज शाहले बताउनुभयो ।पहिलाको भसक्तोली रह अहिलेको भुक्तोलीमा आकाश पातलको फरक रहेको बताउनुहुँदै उहाँले यो प्रयासलाई निरन्तरता दिदै जाने हो भने मेला व्यवस्थापन र बार्जुकोटको दशैँलाई थव व्यवस्थित बनाउन सकिने स्थानीय शाहको भनाई छ। उसो त यो मेला हराउँदै जाने चिन्ता पनि बढ्दै गएको छ ।पुराना पुस्ताहरुले गर्दै आएको भुक्तोली मेलाको पहिचान र संरक्षणमा युवाहरु चासो नदेखाएर उनीहरु विदेशी विकृतीमा फसेका कारण स्थानीय चाडबाड र मेला पर्व लोप हुदै गएको बुढीगंगा नगरपालिका ४ साहुबाडाका स्थानीय नागरिक अगुवा बुद्धिजीवी शेर बहादुर खातीले बताउनुभयो । नयाँ पुस्ताको पुराना रितिरिवाज प्रती चाँसो घट्दै जानु अर्थात बितृष्णा छाउदै जाजु चिन्ताजनक बिषय रहेको खातीको भनाई छ ।

पछिल्लो युवा पिढीं लागु औषध दुब्र्यसन फसेका कारण उनीहरुलाई गाउँमा हुने अनन्ते,विसु,तुड्केको दशैं भुक्तोलीको रामजात्रा को कुनै चासो नभएको वृद्धवृद्धाहरु बताउन्छन् ।कला संस्कृति र चाड पर्वलाई संरक्षण र जगेर्ना गर्न ,हाम्रो पहिचान जोगाईराख्नका लागि नयाँ पुस्ता जागरुप हुनुपर्ने अर्थात सक्रियता नयाँ पुस्ताको नै बढ्नुपर्ने नागरिक अगुवाहरुको जोड छ ।यदि यो मेलालाई व्यवस्थित ढङ्गले सञ्चालन नगर्ने हो भने अवका केही वर्षमा यो मेला नाममा मात्रै सिमित हुने बुढीगंगा ४ खोडालबाडाका स्थानीय समेत रहेका कलाकार राजेन्द्र रावतले बताउनुभयो । पहिलोपटक सञ्चालन गरिएको दिँउसोको मेलामा उत्साहजनक सहभागिता देखिएको थियो ।बुढीगंगा नगरपालिकाका नगर प्रमुख राम बहादुर बाँनिया, उपप्रमुख माया खड्का कुँवर, नगर प्रभक्ता हेमराज जैशी लगायत बिभिन्न राजनिति दलका प्रमुख एवम् प्रतिनिधि लगायतको उपस्थिति समेतर रहेको थियो । बार्जुकोटको दशैँ र भुक्तोली मेलाको व्यवस्थापन र संरक्षणका लागि सबै राजनिति दल र नागरिक अगुवाहरुको एकिबद्धता देखिएको छ । आज भन्दा केही वर्ष अगाडी राती लाग्ने मेलामा समेत जिल्ला भित्रकमा मात्र नभई जिल्ला बाहिरबाट समेत मेला अवलोकन गर्न आउनेहरु हजारौँ आउने गरेको भएपनि पछिल्लो वषएहरुमा भने राती मेला हेर्न आउन छोडेका छन् । यो भने चिन्ताजनक बिषय हो ।