नेपालले युएईमा आईसीसी विश्वकप लिग २ खेल्ने

काठमाडौँ ,११ – नेपालले आईसीसी विश्वकप लिग–२ क्रिकेटको त्रिकोणात्मक सिरिज युएईमा खेल्ने तालिका सार्वजनिक भएको छ । मार्चमा नेपालले पपुवन्यूगिनी र युएईसँग एकदिवसीय सिरिज खेल्ने छ ।

नेपालले दुवै टिमसँग दुई दुई वटा म्याच खेल्दा पहिलो खेलमा १६ मार्चमा पपुवान्यूगिनीसँग खेल्ने छ भने १८ मार्चमा युएईसँग खेल्ने जनइएको छ । यसैगरी २१ मार्चमा युएई र २२ मार्चमा पपुवान्यूगिनीसँग पनि खेल्ने छ । युएईमा हुने यो सिरिज खोल्नका लागि मार्चको पहिलो साता युएई जाने बुझिएको छ ।

अहिले नेपाली टिम आईसीसी टी २० विश्वकप क्रिकेटको ग्लोबल क्वालीफायरका लागि ओमानमा रहेको छ । मंगलबार युएईसँग सेमिफाइनलमा पराजित भएपछि नेपालले यो बर्ष अष्ट्रेलियामा हुने टी २० विश्वकप भने गुमाइसकेको छ ।

नेपालले आईसीसी विश्व्कप लिग–२ अन्तर्गत अहिलेसम्म २ वटा एक दिवसीय सिरिज खेलेको छ । घरेलु मैदान टियूमा ओमान र अमेरिकासँग खेलेको नेपालले त्यसपछि ओमान गएर ओमान र अमेरिकासँग खेलेको थियो ।

यता नेपाल क्रिकेट संघ क्यानले पनि त्रिवि क्रिकेट मैदानमा त्रिकोणात्मक सिरिज आयोजना गर्ने जनाए पनि मिति भने सार्वजनिक गरेको छैन । क्यानको आन्तरिक तयारी अनुसार मार्चको अन्तिम साता अन्तर्राष्ट्रिय सिरिज हुने छ । घरेलु मैदानमा भने नेपालले मलेसिया र पपुवान्युगिनीसँग टी २० खेल्ने छ ।